បរទេស៖ ទិសដៅវីដេអូរបស់ហ្វេសប៊ុក គឺមុខងារ Facebook Watch បាននាំយកមុខងារថ្មីមួយទៀតហៅថា Your Topics ដែលនឹងអនុញ្ញាតឲ្យអ្នកប្រើប្រាស់ធ្វើការកំណត់លើមាតិកាដែលអ្នកចង់ឃើញ ឲ្យកាន់តែច្រើន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបច្ចុប្បន្នហ្វេសប៊ុកអាចស្វែងយល់អំពីចំណង់ចំណូលចិត្តរបស់អ្នកប្រើប្រាស់ ដោយកំណត់លើផ្ទាំងព័ត៌មានរបស់ផ្នែក Watch នៃកម្មវិធីហ្វេសប៊ុក។ ទោះជាយ៉ាងណា អ្នកប្រើប្រាស់អាចជ្រើសប្រភេទប្រធានបទដែលខ្លួនចូលចិត្ត ហើយវាបានបង្ហាញកាន់តែច្បាស់ទៅកាន់ហ្វេសប៊ុក អំពីអ្វីដែលពួកគេចូលចិត្តស្វែងរក និងការតាមដានប្រភេទមាតិកាផ្សេងៗ។
លក្ខណៈពិសេសនេះត្រូវបានដាក់បញ្ចូលទៅកាន់អ្នកប្រើប្រាស់ យ៉ាងសម្ងាត់ក្នុងរយៈពេលប៉ុន្មានថ្ងៃថ្មីៗនេះ ហើយឥឡូវនេះអ្នកប្រើប្រាស់មួយចំនួនទទួលបានមុខងារពិសេសនេះរួចហើយ នៅក្នុងកម្មវិធីហ្វេសប៊ុករបស់ពួកគេ។
ដោយសារតែផ្ទាំងព័ត៌មាននៃមុខងារ Watch បានកំណត់ប្រភេទវីដេអូរួចជាស្រេចតាមលក្ខណៈជាច្រើន ដូចនេះអ្នកប្រើប្រាស់អាចនឹងមើលឃើញប្រភេទវីដេអូដែលពួកគេមិនចូលចិត្ត ហើយសារជូនដំណឹងនឹងលោតឡើង។ យ៉ាងណាក៏ដោយ ប្រភេទវីដេអូដែលពួកគេបានកំណត់ក៏មិនអាចចេញមកបានគ្រប់ពេលនោះដែរ ហើយអ្នកប្រើប្រាស់គួរកត់ចំណាំនូវចំណុចនេះផងដែរ៕