កីឡាករ Donny van de Beek បានស្នើសុំ Manchester United ដើម្បីបានពាក់អាវលេខ ៣៤ នៅទឹកដី Old Trafford នៅពេលដែលក្លិបនឹងប្រកាសជាផ្លូវការ ដើម្បីបង្ហាញនូវការគោរពទៅមិត្តស្និទ្ធស្នាល និងជាអតីតមិត្តរួមក្រុមរបស់ខ្លួននៅក្លិប Ajax គឺកីឡាករ Abdelhak Nouri ដែលបានដួល (ពិការខួរក្បាលអចិន្រ្តៃយ៍) ក្នុងអំឡុងពេលប្រកួតត្រៀមបើករដូវកាលជាមួយ Werder Bremen កាលពីឆ្នាំ២០១៧ ខណៈដែល van de Beek ក៏បានលេងក្នុងប្រកួតនោះដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែបម្រើជម្រើសជាតិហូឡង់ វ័យ ២៣ឆ្នាំរូបនេះ ស្នើលេខ ៣៤ ដែលជាលេខអាវរបស់ Abdelhak Nouri ពេលលេងនៅ Ajax។ មិនមែនត្រឹមតែ van de Beek នោះទេ ដែលបង្ហាញនូវការគោរពបែបនេះចំពោះ Nouri ដែលជាមិត្តរួមក្រុមតាំងពីក្នុងឈុតយុវជនជាមួយគ្នា ក្នុងនោះក៏មានកីឡាករមួយចំនួន ដែលបានពាក់លេខ ៣៤ នៅក្លិបថ្មីរបស់គេ ក្នុងនោះមាន៖ កីឡាករ Amin Younes នៅក្លិប Napoli, កីឡាករ Joel Veltman នៅក្លិប Brighton ស្របពេលដែលកីឡាករ Justin Kluivert ក៏បានពាក់អាវលេខ ៣៤ នៅរដូវកាលដំបូងជាមួយក្លិប Roma ដែរ។
ទោះជាយ៉ាងណា អាវលេខ ៣៤ ក៏នៅទំនេរ បន្ទាប់ពីអ្នកចាំទី Dean Henderson ត្រូវបានបញ្ចេញឱ្យខ្ចីជើងតាំងពីរដូវកាល ២០១៦-១៧ ស្របពេលការត្រឡប់មកវិញរបស់គេ ក៏មិនទាន់ពាក់លេខប៉ុន្មាននៅឡើយទេ។
កីឡាករ van de Beek បានពាក់អាវលេខ ៦ នៅក្លិប Ajax ប៉ុន្តែលេខនេះ ត្រូវបានពាក់ដោយ កីឡាករ Paul Pogba ស្របពេលដែលលេខ ៧ ត្រូវបានក្លិបទុកបម្រុងសម្រាប់ Jadon Sancho ខណៈដែលលេខ ១១ អាចនឹងត្រូវពាក់ដោយកីឡាករវ័យក្មេង Mason Greenwood។
គួរឱ្យដឹងផងដែរថា ក្រៅពីអាវលេខ ៦ ដែលពាក់នៅក្លិប Ajax ខ្សែបម្រើឆ្នើម van de Beek ក៏ធ្លាប់ពាក់អាវលេខផ្សេងទៀតនៅក្រុមជម្រើសជាតិហូឡង់ ក្នុងនោះមានអាវលេខ ៦, ៧, ១៦, ១៧, ១៨ និងលេខ២០ ជាដើម៕
ប្រភព៖ 90min