ជប៉ុន៖ យោងតាមសារព័ត៌មានក្នុងស្រុកជប៉ុន Kyodo News នៅថ្ងៃពុធនេះបានរាយការណ៍ថា រដ្ឋាភិបាលនៃប្រទេសជប៉ុន កំពុងពិចារណាផ្ដល់ជូនវ៉ាក់សាំង COVID-19 ដោយឥតគិតថ្លៃដល់ប្រជាជនទាំងអស់របស់ខ្លួន ដើម្បីទប់ស្កាត់ចំនួនអ្នកស្លាប់ និងកំណើនអ្នកឆ្លងនៅក្នុងប្រទេស។

ប្រភពស្និទ្ធនឹងបញ្ហានេះ បាននិយាយថា រដ្ឋាភិបាលមានបំណងផ្ដល់ជូនវ៉ាក់សាំងដល់ប្រជាជនរបស់ខ្លួន ឲ្យបានច្រើនតាមដែលអាចធ្វើទៅបាន។ ជាក់ស្ដែង កាលពីសប្ដាហ៍មុននេះ នាយករដ្ឋមន្ដ្រីជប៉ុន លោក ស៊ីនហ្សូ អាបេ បានមានប្រសាសន៍ថា រដ្ឋាភិបាលបានដាក់គោលដៅចាក់វ៉ាក់សាំងដល់ប្រជាពលរដ្ឋទាំងអស់នៅពាក់កណ្ដាលឆ្នាំដំបូង នៃឆ្នាំ២០២១ ដែលជាផ្នែកមួយនៃវិធានការប្រឆាំងនឹងជំងឺកំពុងរាតត្បាតថ្មី។

នាយករដ្ឋមន្ដ្រីជប៉ុន លោក ស៊ីនហ្សូ អាបេ 

ផែនការដែលកំពុងស្ថិតក្រោមការពិភាក្សារ រដ្ឋាភិបាលជប៉ុនកំពុងពិចារណាផ្ដល់អាទិភាពដល់បុគ្គលិកពេទ្យ មនុស្សចាស់ និងអ្នកកំពុងផ្ទុកជំងឺមុនគេ ហើយសាលាក្រុងនឹងទទួលបន្ទុកក្នុងការផ្ដល់ជូនវ៉ាក់សាំង។

គួរឲ្យដឹងដែរថា ប្រទេសជប៉ុនបច្ចុប្បន្ន មានអ្នកឆ្លងជំងឺកូវីដ-១៩ សរុបប្រមាណ ៦៨,០០០នាក់ ដោយក្នុងនោះស្លាប់ជាង ១,២០០នាក់ និងជាសះស្បើយជិត ៥៨,០០០នាក់ផងដែរ៕

រូបតំណាង
រូបតំណាង

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]