បរទេស៖ តំបន់នៅខាងចុងប្រព័ន្ធព្រះអាទិត្យរបស់យើង ដែលមិនសូវមានពន្លឺនិងមានដុំទឹកកកនៅហួសភពណិបទូន គឺជាកន្លែងដែលមានអង្គជាច្រើននៅកកកុញ។ អង្គទាំងនោះនៅឆ្ងាយតំបន់ឧស្ម័ននិងធូលីដែលអាចបង្កើតជាភព ហើយវាមិនស៊ីគ្នាជាមួយគំរូនៃវិទ្យាសាស្ត្រដែលប្រព័ន្ធព្រះអាទិត្យបានកកើត។ ហើយឥឡូវនេះ ក្រុមអ្នកវិទ្យាសាស្ត្របានលើកឡើងពីអាថ៌កំបាំងនេះថា ព្រះអាទិត្យរបស់យើងមានបងប្អូនភ្លោះ ដែលបានបាត់បង់ជាយូរមកហើយ។

ផ្កាយទាំងពីរដួងនេះបានចំណាយពេលនៅវ័យដំបូងរបស់ពួកវា ដើម្បីប្រមូលកំទេចកំទីដែលឆ្លងកាត់ពីលំហអន្តរតារា ដោយមានភាពកកកុញនៅប្រព័ន្ធព្រះអាទិត្យផ្នែកខាងក្រៅ។ ពួកយើងមិនអាចឃើញផ្កាយភ្លោះទាំងពីរនោះទេ ហើយប្រសិនបើរឿងនេះកើតឡើងពិតមែន ពួកវាបានបែកចេញពីគន្លងរបស់ព្រះអាទិត្យយើងអស់កាលជាយូរមកហើយ។

តំបន់ពពក Oort នៅខាងចុងប្រព័ន្ធព្រះអាទិត្យ

ផ្កាយទាំងពីរនេះបានវិលព័ទ្ធជុំវិញកាឡាក់ស៊ីមីលគីវ៉េជាច្រើនលើក ហើយបន្ទាប់ពីនោះមក ពួកវាទាំងពីរចេញទៅរកតំបន់ពីរផ្សេងគ្នាក្នុងលំហ។ ប៉ុន្តែកំណត់ត្រានៃឥទ្ធិពលរបស់ផ្កាយភ្លោះនេះគឺនៅមានដាន នៅក្នុងតំបន់ពពក Oort នៃប្រព័ន្ធព្រះអាទិត្យ ដែលជាកន្លែងដ៏អាថ៌កំបាងនៃផ្កាយដុះកន្ទុយ ថ្មអវកាស នៅព្រំដែនខាងក្រៅព្រះអាទិត្យរបស់យើង។

តំបន់ពពក Oort គឺជាកន្លែងដ៏ចម្លែកមួយក្នុងលំហ។ មិនដូចជាភពនិងអាចម៍ផ្កាយនៃប្រព័ន្ធព្រះអាទិត្យផ្នែកខាងក្នុង ផ្នែកខាងក្រៅបានបង្កើតជាវង់ស្វ៊ែរដែលពេញដោយកំទេចកំទីគ្រប់ទិស។ ដោយប្រៀបធៀបជាមួយភពផ្នែកខាងក្នុង អង្គនៅផ្នែកខាងចុងទាំងនោះទទួលបានទំនាញតិចពីព្រះអាទិត្យ ហើយពួកវាងាយនឹងខ្ទាតចេញពីគន្លងចូលទៅកាន់លំហអន្តរតារា៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]