ម៉ូរីស៖ នាវិក៣នាក់បានស្លាប់និងម្នាក់ទៀតកំពុងបាត់ខ្លួន បន្ទាប់ពីនាវាសណ្ដោងរបស់ពួកគេត្រូវបានក្រឡាប់ ខណៈពេលពួកគេកំពុងជួយសម្អាតប្រេងលេចធ្លាយដ៏ធំមួយ ចេញពីសមុទ្រប្រទេសម៉ូរីស។ មនុស្ស៤នាក់ផ្សេងទៀតត្រូវបានគេជួយសង្គ្រោះ បន្ទាប់ពីនាវាបានបុកគ្នាជាមួយនាវាមួយទៀត កាលពីថ្ងៃចន្ទ។
គ្រោះថ្នាក់នេះបានកើតឡើងពីរថ្ងៃ បន្ទាប់ពីការតវ៉ាដ៏ធំមួយនៅក្នុងប្រទេសម៉ូរីស ជុំវិញការគ្រប់គ្រងរបស់រដ្ឋាភិបាល ក្នុងការបោសម្អាត។ ប្រេងប្រមាណ១,០០០តោនបានហូរចូលទៅក្នុងដែនសមុទ្រដែលជាជម្រករបស់សត្វដ៏កម្រ បន្ទាប់ពីកប៉ាល់ MV Wakashio របស់ជប៉ុន បានបុកទង្គិចជាមួយផ្កាថ្មប៉ប្រះទឹក កាលពីថ្ងៃទី២៥ ខែកក្កដា។
ការព្រួយបារម្ភកាន់តែខ្លាំងឡើង បន្ទាប់ពីសត្វត្រីដូហ្វីនងាប់ចំនួន៣៩ក្បាល ដែលត្រូវបានគេប្រទះឃើញនៅលើឆ្នេរ កាលពីសប្ដាហ៍មុន។ មូលហេតុនៃការស្លាប់របស់សត្វត្រីទាំងនេះ មិនទាន់ត្រូវបានគេដឹងនៅឡើយទេ ប៉ុន្តែអ្នកធ្វើយុទ្ធនាការបរិស្ថានជឿថា វាជាប់ទាក់ទងជាមួយនឹងការលេចធ្លាយប្រេង ហើយកំពុងទាមទារឲ្យមានការស៊ើបអង្កេត។
នាវាសណ្ដោងបានទាញនាវាមួយទៀតចេញពីកន្លែងធ្លាប់មានការលេចធ្លាយប្រេងចូលទៅក្នុងសមុទ្រ ហើយវាជាពេលដែលនាវាទាំងពីរបានបុកគ្នា។ សមាជិកនាវិកទាំង៨នាក់បានរត់ចេញពីនាវា ហើយក្រោយមកមានតែមនុស្សចំនួន៤នាក់តែប៉ុណ្ណោះត្រូវបានគេជួយសង្គ្រោះ និងបញ្ជូនទៅកាន់ឆ្នេរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ
