អ៊ុយក្រែន៖ ថ្មីៗនេះ ស្ត្រីម្នាក់ មិនបញ្ចេញអត្តសញ្ញាណ ជាម្ដាយរបស់ក្មេងពីរនាក់ បានបើកច្រកចេញបន្ទាន់របស់យន្ដហោះ និងដើរលើស្លាបយន្ដហោះយ៉ាងព្រងើយ។

ប្រភពព័ត៌មានបានឲ្យដឹងថា ស្ត្រីរូបនោះ បានវិលត្រលប់មកពីដំណើរកម្សាន្តវិញជាមួយនឹងក្រុមគ្រួសារ តាមរយៈ​ជើងហោះហើរពីទីក្រុង Antalya ប្រទេសតួកគី មកកាន់ទីក្រុង Kyiv ប្រទេសអ៊ុយក្រែន។ លុះពេលដែលយន្ដហោះចុះចត នាងបានបើកច្រកចេញបន្ទាន់របស់យន្ដហោះ និងទៅដើរលើស្លាបយន្ដហោះតែម្ដង ទាំងដែលគេប្រុងឲ្យអ្នកដំណើរទាំងអស់ចាកចេញពីយន្ដហោះទៅហើយ។

ឃើញដូច្នេះ អ្នកបើកយន្ដហោះ បានទាក់ទងទៅកាន់ប៉ូលិស និងឆ្មាំព្រំដែន ដើម្បីបញ្ឈប់សកម្មភាពដែលអាចបង្កឲ្យមានគ្រោះថ្នាក់នោះភ្លាមៗផងដែរ។

ក្រោយមក ស្ត្រីរូបនោះ បានបកស្រាយទៅកាន់ប៉ូលិសថា នាងស្អុះស្អាប់ខ្លាំងពេក ទើបសម្រេចចិត្តបើកច្រកចេញបន្ទាន់របស់យន្ដហោះ។ ទន្ទឹមនឹងនេះដែរ នាងក៏ត្រូវបានគេយកទៅពិនិត្យផងដែរ ដោយរកឃើញថា នាងមិនបានស្រវឹងស្រា ឬមានសារធាតុញៀនក្នុងខ្លួនឡើយ។ តែយ៉ាងណាមិញ ឈ្មោះរបស់នាង ត្រូវបានចុះក្នុងបញ្ជីខ្មៅ និងហាមឃាត់មិនឲ្យធ្វើការហោះហើរជាមួយក្រុមហ៊ុនអាកាសចរណ៍អន្តរជាតិអ៊ុយក្រែនទៀតឡើយ៕

សូមទស្សនារូបភាពនិងវីដេអូខាងក្រោម៖

ស្ត្រីរូបនោះកំពុងដើរលើស្លាបយន្ដហោះ
ស្ត្រីរូបនោះកំពុងដើរលើស្លាបយន្ដហោះ
វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ