អង់គ្លេស៖ ក្លិបបិសាចក្រហម Manchester United ត្រូវបានគេរាយការណ៍មកថា មានគម្រោងបញ្ចេញខ្សែបម្រើ Jesse Lingard និង Andreas Pereira ឲ្យបានមុនពេលទីផ្សារដោះដូររដូវក្ដៅបិទទ្វារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងកីឡាករទាំងពីរខាងលើ កំពុងខិតខំព្យាយាម ដើម្បីទទួលបានឱកាសចូលលេងជាប់លាប់នៅរដូវកាលក្រោយ ការមកដល់របស់កីឡាករ Donny van de Beek នឹងធ្វើឲ្យអ្នកទាំងពីរនេះ កាន់តែពិបាកជាងមុនទៀត។
ជាមួយគ្នានេះ បើយោងរបាយការណ៍របស់កាសែត Daily Mail អ្នកចាត់ការទូទៅក្រុម Man UTD លោក Ole Gunnar Solskjaer ចង់ទទួលបានលុយពីការលក់ Lingard និង Pererira ឱ្យបានឆាប់តាមដែលអាចធ្វើទៅបាន។
ស្របពេលកុងត្រារបស់ Lingard នៅទឹកដី Old Trafford នៅសល់ពេលមិនដល់១ឆ្នាំផងនោះ ក្លិបជើងឯក Premier League ១៣សម័យបានបើកដៃឲ្យក្លិបដទៃចូលចែចូវយកខ្សែបម្រើសញ្ជាតិអង់គ្លេស ជាច្រើនខែណាស់មកហើយ។
គួរបញ្ជាក់ដែរថា លោក Ole ចង់វ៉ៃចេញកីឡាករទាំងពីរដើម្បីប្រមែលប្រមូលថវិការ ក៏ដូចជាទុកកន្លែងទំនេរសម្រាប់នាំយកកីឡាករថ្មីៗមករួមក្រុម៕
ប្រភព៖ sportsmole