បរទេស៖ ភាពតានតឹងរវាងឥណ្ឌានិងចិនបានផ្ទុះឡើងជាថ្មីម្តងទៀត ដោយប្រទេសនុយក្លេអ៊ែរទាំងពីរនេះ បានចោទប្រកាន់គ្នាទៅវិញទៅមក លើបញ្ហារំលោភបំពានទឹកដីនៅតាមតំបន់ជម្លោះជួរភ្នំហិម៉ាល័យ។ សេចក្តីថ្លែងការណ៍មួយរបស់កងទ័ពឥណ្ឌាកាលពីថ្ងៃច័ន្ទបានចោទប្រកាន់ថា ប្រទេសចិនបានអនុវត្ត "ចលនាយោធាបង្កហេតុ" នៅក្នុងតំបន់ព្រំដែនមួយ កាលពីយប់ថ្ងៃសៅរ៍រហូតដល់ថ្ងៃអាទិត្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសេចក្តីថ្លែងការណ៍បានឱ្យដឹងទៀតថា កងទ័ពឥណ្ឌាបានបញ្ឈប់សកម្មភាពកងទ័ពចិននៅក្បែរបឹង Pangong Tso ក្នុងតំបន់ Ladakh ដែលជាផ្នែកខ្លះត្រូវបានរំលោភបំពានដោយទាហានចិន កាលពីខែឧសភាកន្លងទៅ។ ដោយឡែក រដ្ឋមន្រ្តីក្រសួងការបរទេសចិនបានច្រានចោលការចោទប្រកាន់នេះ ខណៈដែលមេបញ្ជាការកងទ័ពរំដោះប្រជាជនចិនប្រចាំតំបន់បានចោទប្រកាន់វិញថា ឥណ្ឌាកំពុងរំលោភអធិបតេយ្យភាពទឹកដីរបស់ចិនយ៉ាងធ្ងន់ធ្ងរ និងទាមទារឱ្យឥណ្ឌាដកកងទ័ពចេញពីតំបន់ស្ថិតក្រោមការគ្រប់គ្រងរបស់ចិន។
គួរជម្រាបដែរថា ក្រុមមន្រ្តីយោធាមកពីភាគីទាំងពីរ គ្រោងនឹងជួបប្រជុំគ្នាដើម្បីដោះស្រាយជម្លោះព្រំដែនចុងក្រោយ
ដែលកើតឡើងជាថ្មីក្នុងរយៈពេលជាងពីរខែនេះ បន្ទាប់ពីទាហានឥណ្ឌាប្រមាណ ២០នាក់ ត្រូវបានសម្លាប់នៅក្នុងការប្រយុទ្ធគ្នា
រវាងភាគីទាំងពីរនៅជ្រលងភ្នំហ្គាវ៉ាន ក្នុងតំបន់ Ladakh ៕