កីឡាករ Hakim Ziyech បានចូលរួមការប្រកួតដំបូងរបស់ក្លិប Chelsea ទល់នឹងក្រុម Brighton និងបានបង្ហាញទម្រង់លេងយ៉ាងល្អ ប៉ុន្តែជាអកុសលគាត់ត្រូវបានប្តូរចេញនៅនាទីទី៥៤។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគ្រូបង្វឹកលោក Frank Lampard បានបញ្ជាក់ប្រាប់បណ្តាញព័ត៌មានរបស់ Chelsea ថា ខ្សែប្រយុទ្ធស្លាបស្តាំរូបនេះមានបញ្ហារបួសជង្គង់ ហើយត្រូវតែឱ្យគ្រូពេទ្យពិនិត្យពីស្ថានភាពនេះ។
លោក Lampard បានបញ្ជាក់ក្រោយចប់ការប្រកួតថា៖ “Ziyech គេធ្វើបានល្អណាស់ក្នុងការប្រកួត ដោយការចូលរួមចំណែកបញ្ជូនបាល់ និងការប៉ះបាល់របស់គេគឺស្ថិតនៅកម្រិតគុណភាពខ្ពស់ តែគេមានការប៉ះទង្គិចត្រង់ផ្នែកជង្គង់បន្តិចបន្តួច ដែលយើងនឹងត្រូវធ្វើការពិនិត្យបន្តទៀត”។
លោក Lampard បានបន្ថែមថា៖ “យើងសង្ឃឹមថាវាមិនអីទៅចុះ តែក្នុងការបង្ហាញទម្រង់លេងនោះ គ្រូបង្វឹករូបនេះពោលពាក្យដដែលថា Ziyech គេពិតជាធ្វើបានល្អណាស់”៕
ប្រភព៖ BeSoccer