បរទេស៖ ក្រៅពីការហ្វឹកហាត់បច្ចេកទេសនៅលើទីលាន កីឡាករកំពូលៗទាំងអស់តែងតែព្យាយាមហាត់កាយសម្បទារបស់ពួកគេបន្ថែមទៀត ដើម្បីឲ្យកាន់តែមានភាពមាំមួន។ ហើយកីឡាករទាំង៨ខាងក្រោមនេះត្រូវបានគេមើលឃើញថាបានផ្លាស់ប្តូររាងកាយរបស់ពួកគេយ៉ាងគួរឲ្យកត់សម្គាល់៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស- កីឡាករ Eden Hazard : នៅពេលដែលទើបតែផ្លាស់ចេញពី Chelsea មករួមជាមួយ Real Madrid ថ្មីៗកីឡាកររូបនេះលើសទម្ងន់រហូតដល់ទៅ៧គីឡូក្រាមឯណោះ ប៉ុន្តែមិនបានប៉ុន្មានផងរូបគេហាត់រហូតទាល់តែស្រកអស់៧គីឡូវិញ។
- កីឡាករ Cristiano Ronaldo : កាលពីនៅវ័យជំទង់ គ្រូបង្វឹកតែងតែបង្អាប់ពីរាងកាយដ៏ស្គមរីងរៃរបស់ Ronaldo ប៉ុន្តែនៅពេលនេះអ្វីៗត្រូវផ្លាស់ប្តូរ៣៦០ដឺក្រេ។
- កីឡាករ Marcus Rashford : និមត្តិរូបរបស់កីឡាកររូបនេះគឺ Cristiano Ronaldo ហេតុដូចនេះហើយបានជា Rashford ខិតខំហ្វឹកហាត់កាយសម្បទារបស់គេមិនឲ្យចាញ់សិស្សច្បងនោះទេ។
- កីឡាករ Robert Lewandowski : ដោយសារតែរបបអាហារ និងវិន័យក្នុងការហ្វឹកហាត់ទើបធ្វើឲ្យរាងកាយរបស់ Lewandowski ផ្លាស់ប្តូរខ្លាំងចាប់តាំងពីផ្លាស់មកលេងនៅលីគកំពូល Bundesliga ។
- កីឡាករ Adama Traore : អ្នកគាំទ្រគ្រប់គ្នាសឹងតែមិនជឿនឹងភ្នែករបស់ពួកគេនោះទេ នៅពេលដែលឃើញរូបភាពកីឡាកររូបនេះកាលនៅលេងឲ្យ Barcelona និងរូបភាពពេលផ្លាស់មកលេងនៅ Wolves ។
- កីឡាករ Adebayo Akinfenwa : នៅក្នុងវីដេអូហ្គេម FIFA 20 កីឡាកររូបនេះត្រូវបានគេដាក់ពិន្ទុកាយសម្បទារហូតដល់ទៅ៩៨ឯណោះ។
- កីឡាករ Hulk : តារាកម្លាំងជើងខ្លាំងរូបនេះត្រូវបានគេទទួលស្គាល់ថាជាកីឡាករដែលមានមាឌធំម្នាក់នៅលើទីលាន ហើយមកទល់នឹងពេលនេះរូបគេនៅតែបន្តថែរក្សារាងកាយដ៏មាំរបស់គេបន្ថែមទៀត។
- កីឡាករ Sergio Ramos : កីឡាកររូបនេះធ្លាប់ជាខ្សែការពាររាងស្រឡូនម្នាក់នៅក្នុងក្លិប Sevilla ប៉ុន្តែនៅពេលនេះរាងកាយរបស់គេពោរពេញទៅដោយសាច់ដុំកង់ៗ៕
ប្រភព៖ thesun