បរទេស៖ បើតាមសេចក្ដីរាយការណ៍បានឲ្យដឹងថាក្លិប Real Madrid មានគម្រោងឲ្យក្លិប Arsenal បន្តខ្ចីជើងកីឡាករ Dani Ceballos មួយរដូវកាលទៀត ដែលជារដូវកាលទី២របស់គេនៅ Premier League ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរកីឡាករវ័យ២៤ឆ្នាំរូបនេះក៏បានយល់ព្រមជាមួយលោកគ្រូបង្វឹក Mikel Arteta ដើម្បីនៅបន្តលេងឲ្យ Arsenal មួយរដូវកាលទៀត។ គួរបញ្ជាក់ដែរថានៅក្នុងរដូវកាល២០១៩/២០កន្លងមកនេះ Dani Ceballos បង្ហាញទម្រង់លេងបានល្អណាស់ឲ្យក្លិបនៅ Premier League មួយនេះ ពោលគឺបង្ហាញខ្លួនបានដល់ទៅ៣៧ប្រកួត និងជួយឲ្យក្លិបឈ្នះពាន FA Cup បានមួយគ្រឿងផងដែរ។
ហើយការដែលលោក Zinedine Zidane មិនទាន់ចង់យករូបគេមករួមក្រុមនៅរដូវកាលថ្មីនេះ ដោយសារតែនៅតំបន់កណ្តាលរបស់ Real Madrid មានកីឡាករល្អៗច្រើនណាស់ទៅហើយដូចជាកីឡាករ Luka Modric, Toni Kross, Casemiro, Valverde និង Isco ជាដើម៕
ប្រភព៖ dailymail