ហ្វេនបើកភ្នែកធំៗ ពេលឃើញខាងក្នុងផ្ទះរបស់ Kendall Jenner

បរទេស៖ ពិតជាមិនគួរឲ្យភ្ញាក់ផ្អើលណាស់ ដែលតារាម៉ូដែល Kendall Jenner បានបង្ហាញផ្ទះរបស់នាងដែលមានទំហំធំខ្លាំង សឹងតែមិនគួរឲ្យជឿ ដោយគ្រាន់តែមើលឃើញហើយ គឺពិតជាចង់់ចូលទៅរស់នៅតែម្តង។

ដោយឡែក នៅក្នុងផ្ទះមួយនេះ មានបន្ទប់ទឹកធំៗដល់ទៅ៥ បន្ទប់ទទួលភ្ញៀវ គឺបានរចនាឡើងដោយ មានឈើល្អ ខ្លឺមដែលមានតម្លៃថ្លៃកប់ពពកនិង ព្រមទាំងគ្រឿងសង្ហាររឹមផ្សេងទៀត ជាមួយនឹងកៅអីសាឡុង២ នៅទល់មុខ ឡដុតភ្លើង​ ដោយសម្រាប់រក្សារកំដៅឲ្យបានល្មមសមរម្យសម្រាប់ទទួលភ្ញៀវនិង គ្រួសារផងដែរ ដែលដោយសារនាង មិនមែនជាមនុស្សចូលចិត្តការជួបជុំមានគ្នានោះឡើយ ដូច្នេះប្រាកដជាមិនបានរៀបចំកៅអីច្រើននោះទេ ដោយតារាស្រីរូបនេះចូលចិត្ភាពស្ងប់ស្ងាត់ ចាក់តន្រ្តីស្តាប់ ដុតភ្លើងកំដៅនៅក្នុងឡនិង ទៀននៅម្នាក់ឯង ព្រមទាំងមើលបាល់បោះជាមួយមិត្តភក្តិ២ ទៅ៣​នាក់តែប៉ុណ្ណោះ ។ចំណែកផ្ទះបាយវិញ ក៏រចនាក្នុងលក្ខណៈសាមញៗប៉ុន្តែ មានរបៀបរៀបរយ មានទាំងអំពូល LED ប៉ុន្មានគ្រាប់រីឯ ជញ្ជាំងខាងក្រៅ គឺមានអំពូលធំមួយ ដាក់ជាប់នឹង ជញ្ជាំងមើលទៅ ដែលបន្ថែមសោភ័ណភាព មើលពិតជាស្រស់ស្អាតខ្លាំងណាស់ ក្រៅពីនេះទៀត នាងចូលចិត្ត ការស្លៀកពាក់ខោអាវ កាបូបច្រើនដោយសារតែមានអាជីបជាតារាបង្ហាញម៉ូត ដូច្នេះការស្លៀកពាក់នាងត្រូវតែមានការប្រុងប្រយ័ត្នខ្លាំងដោយបន្ទប់ផ្លាស់សម្លៀកបំពាក់មានសុទ្ធតែខោអាវនិង កាបូបដែលមានតម្លៃថ្លៃៗ ជាងនេះទៅទៀត គឺនៅក្បែរនោះមានអាងត្រាំទឹកដែលរំលេចដោយ ពណ៍មាស ឆ្អិនឆ្អៅយ៉ាងស្អាតយ៉ាងខ្លាំង។

យ៉ាងណាមិញ Kendall Jenner បានសារភាពថា ស្រលាញ់ផ្ទះមួយខ្នងនេះ ដោយគ្រាន់តែដើរចូលមកភ្លាម ដោយនាងមានអារម្មណ៍ថា មានក្តីសុខខ្លាំង នៅពេលដើរចូលមកភ្លាម ដោយកន្លែងនេះគឺជាកន្លែងដែលឲ្យតារាស្រីរូបនេះអាចសម្រាកដោយមាន អារម្មណ៍ស្រស់ស្រាយផងដែរ៕

សូមចូលមើលរូបភាពខាងក្រោម៖