មានរឿងអី សុខៗ ឈិន ឡុង ដាក់ផ្ទះលក់ដេញថ្លៃ ១០លានដុល្លារ?

ចិន៖ នៅលើទំព័រព័ត៌មានមួយ បានរាយការណ៍ថា អាផាតមិនដ៏ប្រណីតចំនួន ២ ដែលមានតម្លៃសរុប ៧១,៩ លានយ័ន (១០.៥ លានដុល្លារ) ដែលកាន់កាប់ដោយ Jackie Chan ដែលស្គាល់ជាលោក ឈិង ឡុង នឹងត្រូវដាក់លក់ជាផ្លូវការនៅឯការ ដេញថ្លៃជាសាធារណៈនៅម៉ោង ១០ ព្រឹកថ្ងៃទី ២៨ ខែសីហា ទាំងដោយប្រញាប់ប្រញាល់។

ក្នុងនោះដែរ បន្ទប់ដែលមានលេខ ១០០១ និង ១០០២ នៅក្នុងអាគារលេខ ២ ដោយស្ថិតនៅតំបន់ពាណិជ្ជកម្មសំខាន់ ដ៏ល្បី ទីក្រុងប៉េកាំង ត្រូវបានឲ្យដឹង  អាផាតមិនទាំងពីរនេះ ដែលមានការតុបតែងខាងក្នុងយ៉ាងប្រណីតនិងមានតម្លៃបំផុត យ៉ាងណាមិញ បច្ចុប្បន្ននេះបន្ទាប់ពីព័ត៌មានអំពីការដេញថ្លៃអាផាតមិនពីរនេះ ត្រូវបានផ្សព្វផ្សាយជាសាធារណៈមានមនុស្ស ១៨ នាក់ចាប់អារម្មណ៍ ក្នុងការចង់ធ្វើជាម្ចាស់វាតែម្តង។

លើសពីនេះទៅទៀត ប្រព័ន្ធផ្សព្វផ្សាយចិនបានបញ្ជាក់ភ្លាមៗថា អាផាតមិនទាំងពីរគឺជាកម្មសិទ្ធិរបស់Jackie Chan ផ្ទាល់តែម្តង ហើយវាក៏ជាកន្លែងដែលកូនប្រុសរបស់លោក ដែលជាតារាសម្តែង Jaycee Chan ត្រូវបានចាប់ខ្លួនពីបទប្រើប្រាស់កញ្ឆា និងចែកចាយកញ្ឆាកាលពីឆ្នាំ ២០១៤ផងដែរ៕

សូមទស្សនារូបខាងក្រោម៖