ចិន៖ ម្ចាស់របស់កម្មវិធីតិកតុកបាននិយាយថា ខ្លួននឹងប្រកាន់ខ្ជាប់យ៉ាងតឹងរ៉ឹងនូវច្បាប់ថ្មី ដែលបានដាក់ដោយប្រទេសចិន លើផ្នែកបច្ចេកវិទ្យាដែលក្រុមហ៊ុនក្នុងប្រទេសនេះអាចលក់ទៅបរទេសបាន។ ការត្រួតពិនិត្យនាំចេញអាចត្រូវបានប្រើ ដើម្បីរារាំងការលក់ប្រតិបត្តិការរបស់តិកតុកនៅសហរដ្ឋអាមេរិក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងកម្មវិធីនេះមានកំណត់វិធីសាស្ត្រ ដែលអាចកំណត់គោលដៅទៅកាន់អ្នកទស្សនា។ សមត្ថភាពរបស់កម្មវិធីនេះអាចកំណត់ចំណង់ចំណូលចិត្តរបស់អ្នកប្រើប្រាស់បានយ៉ាងលឿន ហើយការបំពេញតាមចំណាប់អារម្មណ៍របស់អ្នកប្រើប្រាស់បានដើរតួនាទីយ៉ាងធំ ក្នុងភាពជោគជ័យរបស់វា។
ក្រុមហ៊ុន Bytedance បានចាប់ផ្ដើមពិភាក្សាលក់ផ្នែកតិកតុករបស់អាមេរិក កាណាដា អូស្ត្រាលី និងនូវែលសេឡង់ បន្ទាប់ពីប្រធានាធិបតី ដូណាល់ ត្រាំ បានគំរាមហាមឃាត់កម្មវិធីនេះនៅអាមេរិក ដែលមានអ្នកប្រើប្រាស់ប្រមាណណ១០០លាននាក់។ លោកប្រធានាធិបតីបានលើកឡើងពីកង្វល់សន្តិសុខជាតិ បើទោះបីមានការបដិសេធរបស់ក្រុមហ៊ុនតិកតុកថា ខ្លួនមិនបានផ្ដល់ទិន្នន័យទៅឲ្យរដ្ឋាភិបាលចិន នូវទិន្នន័យរបស់អ្នកប្រើប្រាស់បរទេស។
រដ្ឋាភិបាលសហរដ្ឋអាមេរិកបានផ្ដល់ឲ្យក្រុមហ៊ុនមួយនេះ រហូតដល់ពាក់កណ្ដាលខែកញ្ញា លើការសម្រេចចិត្តនៃការលក់។ ក្រុមហ៊ុន Bytedance បានប្រឈមមុខនឹងការរិះគន់នៅក្នុងប្រទេសកំណើតរបស់ខ្លួន ដែលត្រូវបានគេមើលឃើញថា មានសម្ពាធពីបរទេសក្នុងលក់ទ្រព្យសម្បត្តិដ៏មានតម្លៃ៕