អង់គ្លេស៖ យោងតាមការបញ្ជាក់របស់សហព័ន្ធកីឡាបាល់ទាត់ប្រទេសអង់គ្លេស ខ្សៃប្រយុទ្ធក្រុមបិសាចក្រហម Manchester United កីឡាករ Marcus Rashford បានដកខ្លួនចេញពីក្រុមជម្រើសជាតិអង់គ្លេស ដោយសារបញ្ហារបួស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
Rashford ត្រូវបានអ្នកចាត់ការទូទៅក្រុមជម្រើសជាតិអង់គ្លេស លោក Gareth Southgate ដាក់ឈ្មោះទៅលេងនៅព្រឹត្តការណ៍ UEFA Nations League ទល់នឹងក្រុមអៀរឡង់ និង ក្រុមដាណឺម៉ាក នាថ្ងៃទី៥ និង ថ្ងៃទី៩ ខែកញ្ញា ខាងមុខនេះ។
យ៉ាងណាមិញ ដោយសារបញ្ហារបួសក.ជើង Rasford ក៏ត្រូវបង្ខំចិត្តដកខ្លួនចេញពីព្រឹត្តិការណ៍នោះ ដើម្បីផ្ដោតទៅលើការព្យាបាលរបួស។ ទាក់ទិនទៅនឹងរឿងនេះ Rashford បានសរសេររៀបនៅលើគណនី Twitter ផ្លូវការរបស់ខ្លួនយ៉ាងដូច្នេះថា៖
ខ្ញុំមិនដែលចង់ឲ្យក្រុមមួយនេះខកចិត្តនោះទេ ប៉ុន្តែកាលវិភាគនៃការប្រកួតវាឆាប់ពេកសម្រាប់ខ្ញុំ។ ខ្ញុំបានព្យាយាមអស់ពីលទ្ធភាពហើយ ប៉ុន្តែខ្ញុំក៏ត្រូវផ្ដោតទៅលើ ការចាប់ផ្ដើមរដូវកាលថ្មីជាមួយក្លិប ក៏ដូចជាប្រទេសផងដែរ។ សូមសំណាងល្អអ្នករាល់គ្នា ខ្ញុំនឹងចាំលើកទឹកចិត្តអ្នកពីផ្ទះទៅ។
គួរឲ្យដឹងដែរថា ប្រកួតដំបូង របស់ក្រុម Man UTD ក្នុងក្របខណ្ឌ Premier League រដូវកាល២០២០/២១ គឺត្រូវលេងតទល់នឹងក្រុម Crystal Palace នៅទឹកដី Old Trafford នាថ្ងៃទី១៩ ខែកញ្ញា ខាងមុខ៕
ប្រភព៖ manutd
Bong I.T