ថៃគ្រោងនឹងដាក់ឱ្យប្រើ Wifi ដោយមិនគិតថ្លៃនៅ សហគមន៍​សំខាន់​​ៗ​ចំនួន ១០កន្លែង

ថៃ៖ ក្រសួងសេដ្ឋកិច្ច ឌីជីថល និងសង្គម (ឌីអេសអេស) គ្រោងនឹងដាក់ចេញនូវសេវា wifi ឥតគិតថ្លៃសម្រាប់សហគមន៍ទីក្រុងដោយចាប់ផ្តើមពីសហគមន៍ចំនួន ១០ ចាប់ពីថ្ងៃទី ១ ខែតុលា ឆ្នាំ ២០២០នេះ។

ក្រុមហ៊ុនស៊ីធីទូរគមនាគមន៍នឹងទទួលខុសត្រូវក្នុងការរៀបចំសេវាកម្មដែលនឹងផ្តោតលើសហគមន៍ចំនួន ៥ នៅទីក្រុងបាងកក និង ៥ កន្លែងនៅតាមខេត្ត។ គម្រោងនេះនឹងផ្តល់ល្បឿនអ៊ីនធឺណិតល្បឿន ៣០០ មេហ្គាបៃក្នុងមួយវិនាទី (មេកាបៃ) សម្រាប់ទាញយក និង ១០០ មេកាបៃសម្រាប់ផ្ទុក។

យ៉ាងណាមិញ កម្មវិធីនេះមានគោលបំណងធ្វើឱ្យប្រជាជននៅតាមសហគមន៍ អាចប្រើប្រាស់ប្រព័ន្ធ WiFi សម្រាប់ជីវិតប្រចាំថ្ងៃរបស់ពួកគេ ជាពិសេសនៅក្នុងរយៈពេលក្រោយការរាតត្បាត។

គួរជម្រាបផងដែរថា លោក Buddhipongse Punnakanta រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុបានមានប្រសាសន៍ថា ក្រសួងចង់ផ្តល់សេវាអ៊ិនធឺណិតដោយឥតគិតថ្លៃដល់ប្រជាជនដើម្បីអនុញ្ញាតឱ្យពួកគេអាចទប់ទល់នឹងការលំបាកក្នុងការធ្វើជំនួញ និងក្នុងជីវិតប្រចាំថ្ងៃនៅក្នុងយុគសម័យឌីជីថលផងដែរ៕