តាមរបាយការណ៍ពី Mundo Deportivo បានចុះផ្សាយថា ឪពុករបស់ Lionel Messi នឹងជួបផ្ទាល់ជាមួយប្រធានក្លិប Barcelona លោក Josep Maria Bartomeu នៅថ្ងៃពុធនេះដើម្បីដោះស្រាយបញ្ចប់រឿងអនាគតរបស់កូនប្រុសគាត់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Jorge នឹងធ្វើដំណើរពីប្រទេសអាហ្សង់ទីនទៅកាន់ទីក្រុង Barcelona ដើម្បីបញ្ចុះបញ្ចូលឱ្យក្លិបកាតាឡាន់ព្រមបើកផ្លូវឱ្យម្ចាស់ពាន Ballon d’Or ៦ សម័សម័យកាលរូបនេះអាចចាកចេញមុនបើករដូវកាលថ្មី ២០២០/២០២១។
ខ្សែប្រយុទ្ធ Messi បានធ្វើឱ្យកក្រើកដល់ពិភពបាល់ទាត់ដោយគាត់បានប្រាប់ Barcelona ថា គាត់នឹងមិនត្រឡប់ទៅហ្វឹកហាត់ទេ ហើយតែងទទូចថា គាត់អាចចាកចេញដោយគ្មានថ្លៃផ្ទេរ ដោយយោងតាមលក្ខខណ្ឌក្នុងកុងត្រារបស់គាត់ជាមួយនឹងក្លិប។
ចំណែកភាគីខាងក្លិបបានលើកឡើងថា លក្ខខណ្ឌនោះបានផុតកំណត់ទៅហើយ ហើយក្លិបក៏បានកោះហៅគាត់មកហ្វឹកហាត់ត្រៀមប្រកួតក្របខ័ណ្ឌ La Liga ប៉ុន្តែឪពុករបស់គាត់នឹងព្យាយាមរកវិធីឱ្យកូនប្រុសគាត់ចេញពីក្លិបដោយគ្មានភាពល្អក់កករនឹងគ្នាផងដែរ៕
ប្រភព៖ Goal
Bong I.T