ចិន៖ ថ្មីៗនេះ បណ្ដាហ្វេន ព្រមទាំងអ្នកលេងក្នុងបណ្ដាញសង្គម កំពុងតែចាប់អារម្មណ៍យ៉ាងខ្លាំង ចំពោះរូបភាព របស់តារាសម្ដែងស្រីដ៏ល្បីឈ្មោះ Yang Mi និង កំពូលតារាសម្ដែងលំដាប់អន្តរជាតិ លោក Jackie Chan ហៅ ឈិន ឡុង ដែលនៅក្នុងរូបភាពនោះ គឺជាការថតផ្សាយពាណិជ្ជកម្មមួយ ដែលត្រូវបានគេដឹងថា នៅក្នុងឆ្នាំនោះ តារាស្រី Yang Mi ទើបតែមានអាយុ ១៧ ឆ្នាំ ប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉្យាងវិញទៀត តាមរយៈរូបភាពប៉ុន្មានសន្លឹកដែលត្រូវបានគេបង្ហោះនៅលើបណ្ដាញសង្គម របស់តារាប្រុសស្រីទាំងពីររូបនេះ បានបង្កជាភាពភ្ញាក់ផ្អើលយ៉ាងខ្លាំង ជាពិសេស ទៅលើមុខមាត់របស់ Yang Mi តែម្ដង ដែលមានភាពខុសប្លែកពីបច្ចុប្បន្ននេះ ស្ទើរតែទាំងស្រុង ដែលនៅពេលនោះ នាងមើលទៅមានភាពសាមញ្ញធម្មតា ជាមួយនឹងមុខមាត់វ័យក្មេង របស់នាងផងដែរ។
មិនត្រឹមតែប៉ុណ្ណោះ ដោយសារតែភាពខុសគ្នាខ្លាំងបែបនេះ មុខមាត់របស់ Yang Mi បានធ្វើឲ្យមនុស្សជាច្រើន ធ្វើការប្រៀបធៀប ខណៈដែលរូបភាពនាពេលបច្ចុប្បន្ន មានការផ្លាស់ប្តូរទៅយ៉ាងល្អឥតខ្ចោះ ដែលអាចឲ្យនាងក្លាយទៅតារាស្រីកំពូលសម្រស់ ប៉ុន្តែ ដោយសារតែការផ្លាស់ប្ដូរខ្លាំងបែបនេះ ក៏មានមតិជាច្រើនបានលើកឡើងថា សម្រស់របស់នាងគឺបានមកពីការវះកាត់កែសម្ផស្ស ក្នុងរយៈពេលប៉ុន្មានឆ្នាំកន្លងមកនេះ ៕
សូមទស្សនារូបភាពខាងក្រោម៖