បរទេស៖ នេះចាត់ទុកជារឿងមួយ ដ៏រំភើបសម្រាប់ អ្នកគាំទ្របទចម្រៀងនិង សិល្បៈករបរទេស ដែលថ្មីៗនេះ តារាចម្រៀង Ariana Grande បានជូនកាដូដ៏ពិសេសមួយទៅកាន់តារាចម្រៀង Selena Gomez សម្រាប់អបអរបទ Ice Cream ដែលតារាស្រីរូបនេះទើបតែច្រៀងរួមគ្នាជាមួយ ក្រុមតារាចម្រៀងស្រីរបស់កូរ៉េខាងត្បូង BlackPink ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ក្រោយពីបទចម្រៀង Ice Cream ចេញមិនទាន់បានប៉ុន្មានថ្ងៃផង តារាចម្រៀង Ariana Grande ក៏ជូនកាដូជាផ្កាមានរាងដូចការ៉េមយ៉ាងធំមួយ មានការរចនាយ៉ាងល្អឯក ក្នុងនេះមានពីរពណ៍ផ្កាឈូកនិង ពណ៍សមើលទៅពិតជាស្រស់ស្អាតខ្លាំងណាស់ ដោយកាដូនេះបានជូនទៅកាន់ Selena Gomez ដែលចង់បង្ហាញពីទឹកចិត្តគាំទ្រនិង លើកទឹកចិត្តដល់តារាចម្រៀងរូបនេះ តាមរយៈកាដូដ៏មានអត្ថន័យនិង សារជូនពរមួយឃ្លា ដែលបានសម្រេចស្នាដៃដ៏អស្ចារ្យដែលទទួលបានការគាំទ្រយ៉ាងខ្លាំងពីសំណាក់ទស្សនិកជនផងដែរ។
ក្រោយពីឃើញបែបនេះរួចមក អ្នកគាំទ្រក៏បាន សម្តែងពីអារម្មណ៍នឹងក្តីរីករាយ ដែលតារាទាំងពីរដួងនេះបានបង្ហាញពីសេចក្តីស្រលាញ់និង គោរពរាប់អាន ដល់គ្នាទៅវិញទៅមក ដោយសកម្មភាពបែបនេះតែងតែកើតឡើងជាញឺកញាប់៕
សូមចូលមើលរូបភាពខាងក្រោម៖