យោងតាមលក្ខខណ្ឌនៃការផ្ទេររបស់ Messi ដែលត្រូវបានគេរាយការណ៍ថា បានផុតកំណត់នោះ គេហទំព័រ Tribuna.com បានប៉ាន់ស្មានតម្លៃខ្លួនដែលកីឡាករសញ្ជាតិអាហ្សង់ទីនរូបនេះអាចនឹងត្រូវលក់ចេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកត្តាទាំង៦ដែលត្រូវលើកយកមកពិចារណានោះមាន៖
១. តម្លៃទីផ្សារ ៖ Lionel Messi មានតម្លៃ ១១២ លានផោនដែលវាយតម្លៃដោយ Transfermakrt ហើយយើងដឹងរួចហើយថាម្ចាស់ក្លិប Barcelona លោក Bartomeu តែងយកប្រភពនេះជាចម្បង។
២. អាយុ៖ កីឡាករអាហ្សង់ទីនរូបនេះមានវ័យ ៣៣ ឆ្នាំទៅហើយ ហើយក្លិបជាធម្មតានឹងមិនចំណាយប្រាក់ហួសហេតុសម្រាប់កីឡាករមានវ័យជ្រេបែបនេះទេ។
៣. ស្ថានភាពកិច្ចសន្យា៖ កុងត្រារបស់ Messi ជាមួយក្លិបនៅសល់រយៈពេលមួយឆ្នាំជាមួយ Barcelona ។
៤. ការផ្ទេរប្រហាក់ប្រហែលគ្នា៖ កាលពីឆ្នាំ ២០១៨ កីឡាករ Cristiano Ronaldo ដែលមានវ័យ ៣៣ ឆ្នាំដូចគ្នាបានផ្លាស់ទៅលេងនៅក្លិប Juventus ក្នុងតម្លៃ ១០០ ផោនបូក ១២ លានផោនលើប្រាក់បន្ថែម។
៥. ស្ថានភាពទីផ្សារ៖ ក្លិបភាគច្រើនមិនចំណាយច្រើនដូចពីមុនទេ ដោយសារតែជំងឺរាតត្បាត Covid-19 ។ ការផ្ទេរថ្លៃបំផុតនៅរដូវក្តៅនេះគឺជាការផ្ទេររបស់ Arthur Melo ទៅ Juventus ក្នុងតម្លៃ ៧២ លានផោន។
៦. កំណត់ត្រានៃការផ្ទេរ៖ ការផ្ទេរក្នុងតម្លៃ ២២២ លានផោនរបស់ Neymar ទៅកាន់ Paris Saint-Germain នៅតែជាការផ្ទេរដែលមានតម្លៃខ្ពស់បំផុតក្នុងប្រវត្តិសាស្ត្រ។ កីឡាករប្រេស៊ីលរូបនេះត្រូវបានក្លិបលក់ចេញ ខណៈពេលដែលគាត់លេងបានល្អបំផុត។
តាមកត្តាធំៗទាំង៦ខាងលើ យើងអាចសន្និដ្ឋានបានថា Lionel Messi មានតម្លៃខ្លួន ១២៥ លានអឺរ៉ូ៕
ប្រភព៖ Tribuna