អាមេរិក៖ លោក Elon Musk បានបង្ហាញជ្រូកមួយក្បាលឈ្មោះថា Gertrude ជាមួយបន្ទះឈីបកុំព្យូទ័រដែលមានទំហំប៉ុនកាក់ នៅក្នុងខួរក្បាលរបស់ជ្រូកញីមួយក្បាលនេះ ដើម្បីបង្ហាញពីមហិច្ឆតារបស់គាត់ ក្នុងការបង្កើតដំណើរការរវាងខួរក្បាលទៅនឹងម៉ាស៊ីន។ ក្រុមហ៊ុនថ្មីថ្មោង Neuralink របស់លោកបានអនុវត្ត ទៅលើមនុស្សកាលពីឆ្នាំមុន។

ចំណុចប្រទាក់នេះអាចអនុញ្ញាតឲ្យមនុស្សមានស្ថានភាពសរសៃប្រសាទ អាចគ្រប់គ្រងទូរសព្ទឬកុំព្យូទ័រ ដោយប្រើចិត្តរបស់ពួកគេ។ លោក Musk បានលើកឡើងថា បន្ទះឈីបនេះអាចត្រូវបានប្រើ ដើម្បីជួយព្យាបាលលក្ខខណ្ឌដូចជា ជំងឺវង្វេងស្មារតី ជំងឺ Parkinson និងជំងឺរលាកខួរឆ្អឹងខ្នង។ ប៉ុន្តែមហិច្ឆតាយូរអង្វែងគឺ ដើម្បីឈានទៅរកយុគសម័យដែលលោក Musk ហៅថា «ការយល់ដឹងរបស់កំពូលមនុស្ស» ក្នុងផ្នែកមួយដើម្បីប្រយុទ្ធប្រឆាំងនឹងបញ្ញាសិប្បនិម្មិតដែលមានឥទ្ធិពល ដូច្នេះគាត់បាននិយាយថា វាអាចនឹងបំផ្លាញពូជមនុស្ស។

Gertrude គឺជាសត្វជ្រូកមួយក្នុងចំណោមជ្រូកបីក្បាលសំខាន់ៗ ដែលបានចូលរួមការបង្ហាញនៅតាមអ៊ីនធឺណេត កាលពីថ្ងៃសុក្រ។ វាបានចំណាយពេលមួយរយៈដើម្បីធ្វើដំណើរ ប៉ុន្តែនៅពេលវាបរិភោគនិងហិតចំបើង សកម្មភាពនេះបានបង្ហាញនៅលើក្រាហ្វិចកុំព្យូទ័រ ដើម្បីតាមដានសកម្មភាពសរសៃប្រសាទរបស់វា។ បន្ទាប់មក ភាគច្រើនវាមិនសូវអើពើលើសកម្មភាពនៅជុំវិញខ្លួនវា។

ដោយបង្កើតឡើងក្នុងឆ្នាំ២០១៧ ក្រុមហ៊ុន Neuralink បានខិតខំជ្រើសរើសអ្នកវិទ្យាសាស្ត្រ ដែលជាអ្វីដែលលោក Musk នៅតែផ្សព្វផ្សាយលើបណ្ដាញសង្គម Twitter កាលពីខែមុន៕

លោក Elon Musk
សត្វជ្រូកញី Gertrude
បន្ទះឈីប
សកម្មភាពនេះបានបង្ហាញនៅលើក្រាហ្វិចកុំព្យូទ័រ ដើម្បីតាមដានសកម្មភាពសរសៃប្រសាទរបស់វា
សកម្មភាពនេះបានបង្ហាញនៅលើក្រាហ្វិចកុំព្យូទ័រ ដើម្បីតាមដានសកម្មភាពសរសៃប្រសាទរបស់វា

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ