បរទេស៖ កាលពីថ្មីៗនេះ ចៀមមួយក្បាល បានក្លាយជាចៀមដែលមានតម្លៃថ្លៃបំផុតក្នុងពិភពលោក ដោយត្រូវបានលក់ក្នុងតម្លៃរហូតដល់ទៅប្រមាណ៤៩០.៧០០ដុល្លារអាមេរិកឯណោះ ក្នុងការដេញថ្លៃមួយ ដែលធ្វើឡើងនៅ Scotland នៃប្រទេសអង់គ្លេស។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចៀមមួយក្បាលនេះ មានឈ្មោះថា Double Diamond អាយុ៨ខែ ហើយវាគឺជាប្រភេទពូជចៀម Texel។ វាស្ថិតក្នុងចំណោមចៀមទាំង១៩ក្បាល ដែលលក់បានថ្លៃចាប់ពីជាង១,៤០០ដុល្លារអាមេរិកឡើងទៅនៅក្នុងពិធីដេញថ្លៃខាងលើ។
ប្រភេទពូជចៀម Texel មានដើមកំណើតមកពីកោះ Texel ក្នុងប្រទេសហូល្លង់ ហើយបច្ចុប្បន្ននេះ វាគឺជាប្រភទពូជចៀម ដែលមានប្រជាប្រិយបំផុតសម្រាប់បង្កាត់ពូជនៅប្រទេសអង់គ្លេស ដោយសារតែសាច់ដ៏ល្អរបស់វា។
យ៉ាងណាមិញ តម្លៃចៀមដ៏ខ្ពស់ខាងលើនេះ បានបំបែកឯតទគ្គកម្មតម្លៃចៀមកាលពីមុនក្នុងឆ្នាំ២០០៩ ដែលលក់បានតម្លៃប្រមាណ៣០៧,០០០ដុល្លារអាមេរិកផងដែរ៕
សូមទស្សនារូបភាពខាងក្រោម៖
Bong I.T