ភេសជ្ជៈប៉ុន្មានមុខនេះល្អសម្រាប់​ផឹក ក្រោយពេលហាត់ប្រាណរួច

//s4.kh1.co/02/02af9e156ad2ee413672e8bb7c3e7b6cac276bca.jpg
នារី

 ២៩-សីហា-២០២០ ១ល្ងាច · ៤ ឆ្នាំមុន

ក្រោយ​ពី​ហាត់ប្រាណ​ហើយ​យើង​អាច​នឹង​អស់​កម្លាំង និង​បាត់បង់​ជាតិ​ទឹក ហេតុ​នេះ​ហើយ​ការ​បន្ថែម​ថាមពល​ដល់​រាងកាយ​ក្រោយ​​ពី​ហាត់ប្រាណ​ហើយ ​គឺ​មាន​សារៈសំខាន់​ណាស់​ ជាពិសេស​ក្នុង​ចន្លោះ​៣០​នាទី​ទៅ​ពីរ​ម៉ោង​ក្រោយ​ហាត់ប្រាណ​រួច។ វិធី​ដែល​ងាយ​​ស្រួល​គឺ​ភេសជ្ជៈ​ដែល​មាន​ប្រូតេអ៊ីន និង​កាបូអ៊ីដ្រាត ហើយ​អ្នក​ជំនាញ​បាន​ណែនាំ​ភេសជ្ជៈ​ប៉ុន្មាន​មុខ​នេះ​។

ក្រោយ​ពី​ហាត់ប្រាណ​ហើយ​យើង​អាច​នឹង​អស់​កម្លាំង និង​បាត់បង់​ជាតិ​ទឹក ហេតុ​នេះ​ហើយ​ការ​បន្ថែម​ថាមពល​ដល់​រាងកាយ​ក្រោយ​​ពី​ហាត់ប្រាណ​ហើយ ​គឺ​មាន​សារៈសំខាន់​ណាស់​ ជាពិសេស​ក្នុង​ចន្លោះ​៣០​នាទី​ទៅ​ពីរ​ម៉ោង​ក្រោយ​ហាត់ប្រាណ​រួច។ វិធី​ដែល​ងាយ​​ស្រួល​គឺ​ភេសជ្ជៈ​ដែល​មាន​ប្រូតេអ៊ីន និង​កាបូអ៊ីដ្រាត ហើយ​អ្នក​ជំនាញ​បាន​ណែនាំ​ភេសជ្ជៈ​ប៉ុន្មាន​មុខ​នេះ​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ទឹកដោះគោ​សូកូឡា

ទឹកដោះគោ​សូកូឡា​គឺជា​ជម្រើស​ភេសជ្ជៈ ដ៏​ល្អ​ក្រោយ​ពេល​ហាត់​ប្រាណ​​ ព្រោះ​ទឹកដោះគោ​សូកូឡា​មាន​ប្រូតេអ៊ីន និង​កាបូអ៊ីដ្រាត​ច្រើន​។ ទឹកដោះគោ​សូកូឡា​មាន​ជាតិ​ខ្លាញ់​តិច​មួយ​កែវ​ផ្តល់​ប្រូតេអ៊ីន​ប្រហែល​៨​ក្រាម។ ប្រូតេអ៊ីន និង​កាបូអ៊ីដ្រាត​សុទ្ធ​តែ​សំខាន់​ក្នុង​​ការ​ជួយ​បំពេញ​ថាមពល និង​ជួយ​ឲ្យ​សាច់ដុំ​ត្រលប់​មក​សភាព​ដើម​វិញ​លឿន។ ទឹកដោះគោ​សូកូឡា​ក៏​ផ្តល់​សារធាតុ​ចិញ្ចឹម​ផ្សេង​​ទៀត​ដូចជា​កាល់ស្យូម ប៉ូតាស្យូម សូដ្យូម និង​ម៉ាញេស្យូម​ដែល​យើង​បាត់បង់​តាមរយៈ​ការ​បែក​ញើស។

២. ម្សៅ​ប្រូតេអ៊ីន (Protein Shake)

ម្សៅ​ប្រូតេអ៊ីន​មាន​អ្វី​គ្រប់​យ៉ាង​ដែល​រាងកាយ​ត្រូវការ​ក្រោយ​ពី​ហាត់ប្រាណ​រួច។ ប៉ុន្តែ​អ្នក​ជំនាញ​បាន​ណែនាំ​ថា​គួរ​ជ្រើសរើស​ម្សៅ​ប្រូតេអ៊ីន​ដែល​មាន​ប្រូតេអ៊ីន កាបូអ៊ីដ្រាត និង​ជាតិ​ខ្លាញ់។ ប្រូតេអ៊ីន​គឺ​ជួយ​ដល់​ការ​ជា​សះស្បើយ​របស់​សាច់ដុំ។ សម្រាប់​ការ​ជាសះស្បើយ​របស់​សាច់ដុំ យក​ល្អ​គួរ​ញ៉ាំ​ប្រូតេអ៊ីន​ឲ្យ​បាន​២០-៣០​ក្រាម។

៣. ទឹកក្រូច​ស្រស់

ទឹកក្រូច​ស្រស់​ក៏​ជា​ជម្រើស​ភេសជ្ជៈ​ល្អ​សម្រាប់​ក្រោយ​ពេល​ហាត់ប្រាណ​ដែរ។ គ្នាយើង​មួយ​ចំនួន​អាច​នឹង​មិន​ដឹង​ពី​សារធាតុ​ចិញ្ចឹម​ដែល​មាន​ក្នុង​ទឹកក្រូច​ស្រស់។ ក្នុង​ទឹកក្រូច​ស្រស់​មាន​វីតាមីន C និង​ប៉ូតាស្យូម​ដែល​យើង​បាត់បង់​ពេល​បែក​ញើស។ ម៉្យាងទៀត ទឹកក្រូច​ស្រស់​ក៏​មាន​ផ្ទុក​កាបូអ៊ីដ្រាត​ងាយ​រំលាយ​ដែរ។

៤. ទឹកដូង

ទឹកដូង​មិន​ត្រឹម​តែ​មាន​រសជាតិ​ឆ្ងាញ់​ទេ​ នៅ​មាន​ផ្ទុក​អេឡិចត្រូលីត​ដូចជា​ម៉ាញេស្យូម និង​ប៉ូតាស្យូមទៀត​ផង​។ ទោះបី​ជា​​ទឹក​​ដូង​​មាន​​ជាតិ​សូដ្យូម​ទាប​ និង​មិន​មែន​ជា​ជម្រើស​ដែល​ល្អ​បំផុត​សម្រាប់​អ្នក​ហាត់ប្រាណ​ខ្លាំងៗ​ក៏​ដោយ ប៉ុន្តែ​​ទឹក​ដូង​​ក៏​​អាច​​ជួយ​បំពេញ​​ជាតិ​ទឹក​បាន។ ហេតុ​នេះ​ហើយ​ទឹកដូង​គឺជា​ភេសជ្ជៈ​ល្អ​មួយ​សម្រាប់​អ្នក​ហាត់ប្រាណ​ប្រើ​កម្លាំង​តិចៗ​។

៥. ទឹក

ទឹក​គឺ​សំខាន់​ណាស់​មិន​ថា​មុន ឬ​អំឡុង​ពេល ឬ​ក្រោយ​ពេល​ហាត់ប្រាណ​ទេ ​ព្រោះ​អាច​ការពារ​មិន​ឲ្យ​រាងកាយ​បាត់បង់​ជាតិ​ទឹក​បាន។ ទឹក​ធម្មតា​មាន​ផ្ទុក​អេឡិចត្រូលីត​ក្នុង​បរិមាណ​តិច ដូចនេះ​ហើយ​ក្រោយ​ពី​ហាត់ប្រាណ​ខ្លាំងៗ​ យើង​អាច​ជ្រើសរើស​ទឹក​រ៉ែ​ជំនួស​បាន​ ព្រោះ​ទឹករ៉ែ​មាន​ផ្ទុក​អេឡិចត្រូលីត​ច្រើន​ជាង​ទឹក​ធម្មតា។ យ៉ាងណាមិញ ក្រៅ​ពី​ត្រូវការ​អេឡិចត្រូលីត យើង​ក៏​ត្រូវការ​ប្រូតេអ៊ីន និង​កាបូអ៊ីដ្រាត​ដើម្បី​ជួយ​ដល់​ការ​ជួសជុល​សាច់ដុំដូច​គ្នា​។

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet

Hello គ្រូពេទ្យ
Hello គ្រូពេទ្យ

អត្ថបទទាក់ទង

រក្សាសិទ្ធិ Mediaload
Powered by Bong I.T Bong I.T