យោងតាមសារព័ត៌មាន L’Equipe បានឲ្យដឹងថា ក្រុមសេះបង្កង់ Juventus កំពុងតែប្រណាំងប្រជែងជាមួយនឹងក្លិបដទៃដើម្បីនាំកីឡាករ Lionel Messi មកកាន់ទឹកដីអ៊ីតាលីដែរហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បន្ទាប់ពីបានលេចឮពីដំណឹងដែលកីឡាករសញ្ជាតិអាហ្សង់ទីនរូបនេះចង់ចាកចេញពីក្រុម Barcelona កាលពីថ្ងៃអង្គារហើយរួចមក គេសង្កេតឃើញថាក្រុម Manchester City គឺជាក្រុមដែលមានភាគរយច្រើនជាងគេក្នុងការនាំយកកីឡាករម្ចាស់ពានរង្វាន់ Ballon d’Or ៦ សម័យនេះទៅកាន់ទឹកដីប្រទេសអង់គ្លេស។
គួរបញ្ជាក់ផងដែរថា ក្រុម Paris Saint-German ក៏ជាក្រុមដែលបានបង្ហាញការចាប់អារម្មណ៍ទៅកាន់កីឡាករ Lionel Messi នេះផងដែរ ដោយពេលនេះក្រុម Juventus ក៏មិនបង្អង់យូរឡើយ ដោយក្លិបមួយនេះចង់នាំ Lionel Messi មកចាប់ដៃគូជាមួយនឹង Cristiano Ronaldo នៅប្រទេសអ៊ីតាលីនេះ៕