បរទេស៖ ថ្មីៗនេះ ដោយយោងតាមគណនីបណ្តាញសង្គម Instagram របស់តារាចម្រៀងស្រីសម្បូរស្នេហ៍ Selena Gomez បានបង្ហោះរូបថតរបស់នាងជាមួយ ឈុតប៊ីគីនី ដែលជាឈុតនៅក្នុងបទចម្រៀង«Ice Cream»ជាមួយនឹងក្រុមតារាចម្រៀងកូរ៉េខាងត្បូង Blackpink ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង តារាស្រីអាយុ២៨ឆ្នាំ បានបង្ហោះរូបភាព២សន្លឹក ដែលជាលក្ខណៈប៊ីគីនីពណ៍ផ្កាឈូក លាយពណ៍ស ស្រោមដៃពណ៍សនិង ព្រមទាំងមួកនាវិកពណ៍ស ដែលមើលពិតជាគួរឲ្យស្រលាញ់មែនទែន ថែមទាំងរូបរាងរបស់ម្ចាស់បទ «Rare» រូបនេះមានលក្ខណៈអំណោយផលស្រាប់ផងដែរ ដូច្នេះសម្លៀកបំពាក់ណាក៏នាងស្លៀកសមដែរ ប៉ុន្តែគ្រាន់តែឈុតមួយនេះ មានលក្ខណៈលេចធ្លោជាងគេតែម្តង។
គួរបញ្ជាក់ដែរថា រូបភាពមួយនេះ Selena Gomez បានបង្ហោះនៅក្នុងបណ្តាញសង្គម Instagram បានទទួលការគាំទ្រពីសំណាក់ហ្វេនយ៉ាងខ្លាំង ដោយមានអ្នកចុច Like រហូតដល់ ៧,៥៩៦,៣២៨នាក់ ក្នុងរយៈពេលត្រឹមតែមួយថ្ងៃតែប៉ុណ្ណោះ៕
សូមចូលមើលរូបភាពខាងក្រោម៖