ម៉ិកស៊ិក៖ ប្រធានាធិបតីប្រទេសម៉ិកស៊ិក លោក Andrés Manuel López Obrador គឺជាមនុស្សដំបូង ដែលត្រូវបានគេស្ដីបន្ទោសចំពោះការខ្ជះខ្ជាយលុយរដ្ឋាភិបាល ទៅលើការសង់សាខាធនាគារមួយកន្លែង មានទីតាំងក្នុងរដ្ឋ Chihuahua និងមានចម្ងាយឆ្ងាយពីកន្លែងមនុស្សរស់នៅ។ តែទោះជាយ៉ាងណា អ្នកតំណាងធនាគារបានពន្យល់យ៉ាងច្បាស់ថា ទោះបីស្ថិតនៅទីតាំងចម្លែកមែន ប៉ុន្ដែវាពិតជាមានមូលហេតុច្បាស់លាស់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Mario Saldaña អ្នកតំណាងធនាគារ Banco del Bienestar បាននិយាយថា ដំបូងឡើយសាខាថ្មីនេះ សន្មត់ថាសាងសង់នៅតំបន់កណ្ដាលនៃទីក្រុង Nuevo Casas Grandes ដែលជាក្រុងតូចមួយនៃរដ្ឋ Chihuahua ប៉ុន្ដែអភិបាលក្រុងបានបដិសេធមិនព្រមផ្ដល់ដីសម្រាប់សាងសង់។ ដូច្នេះ ធនាគារគ្មានជម្រើសអ្វីក្រៅពីទទួលយកដីមួយចំណែក ដែលផ្ដល់ដោយកងទ័ពនៃប្រទេសម៉ិកស៊ិកឡើយ។
អ្នកតំណាងរូបនេះបន្ថែមទៀតថា ប្រសិនបើពួកយើងមិនសាងសង់ឲ្យបានឆាប់រហ័សទេ យើងនឹងត្រូវរង់ចាំគម្រោងក្រោយៗ ហើយប្រជាជននៅតំបន់នោះនឹងមិនអាចប្រើប្រាស់ធនាគារ ដែលជាតម្រូវការប្រចាំថ្ងៃរបស់ពួកគេឡើយ ពោលគឺត្រូវរង់ចាំដល់ឆ្នាំក្រោយឯណោះ។
បច្ចុប្បន្ន អគារនិងចំណតរថយន្ដ បានបញ្ចប់ការសាងសង់នារដូវក្ដៅនេះ តែមិនទាន់ដំណើរការនៅឡើយទេ ព្រោះពុំទាន់មានគ្រឿងសង្ហារឹម កុំព្យូទ័រ និងឧបករណ៍ផ្សេងទៀត។ ប៉ុន្ដែ លោក Mario Saldaña រំពឹងថានឹងអាចបើកដំណើរការមួយរយភាគរយ នៅដើមខែតុលាខាងមុខនេះ៕
សូមទស្សនារូបភាព និងវីដេអូខាងក្រោម៖