បរទេស៖ ខណៈពេលដែលក្លិប Barcelona កំពុងតែព្យាយាមរុះរើកីឡាករ លោកគ្រូបង្វឹក Antonio Conte បានស្នើឲ្យ Inter Milan តាមចរចាទិញយកកីឡាករខ្សែបម្រើវ័យ៣៣ឆ្នាំ Arturo Vidal ។ មែនទែនទៅលោក Conte តែងតែចង់បានរូបគេមករួមក្រុមជាយូរណាស់មកហើយ ក្រោយធ្លាប់រួមរស់ជាមួយគ្នានៅក្លិប Juventus ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរបញ្ជាក់ដែរថា Vidal ស្ថិតក្នុងបញ្ជីកីឡាករដែលនឹងត្រូវលក់ចេញនៅរដូវក្ដៅនេះ របស់គ្រូបង្វឹកថ្មីក្លិប Barcelona គឺលោក Ronald Koeman ។ ជាមួយគ្នានេះ Inter Milan ស្ម័គ្រចិត្តបើកទ្វារង់ចាំរូបគេមករួមក្រុមជានិច្ច ប៉ុន្តែបើ Barca លក់ថ្លៃពេកក្លិបអ៊ីតាលីមួយនេះនឹងពិចារណាអ្នកផ្សេងហើយ។
យ៉ាងណាមិញកុងត្រារបស់កីឡាកររូបនេះជាមួយ Barcelona នៅសល់រហូតដល់ចុងរដូវកាលក្រោយឯណោះ ប៉ុន្តែដើម្បីអាចប្រមូលទុនបានខ្លះ ក្លិបយក្សតំបន់កាតាឡាន់ កំពុងព្យាយាមដាក់លក់កីឡាករសញ្ជាតិឈីលីរូបនេះចេញហើយ៕
ប្រភព៖ football-italia