តោះ! មកស្គាល់តារាស្រីល្បីៗ ៥រូបដែលមានគូស្នេហ៍មិនមែនជាអ្នកក្នុងរង្វង់សិល្បៈ

ថៃ៖ តារាថៃប្រុសស្រីជាច្រើន គឺមានទំនាក់ទំនងស្នេហា និងថែមទាំងបង្កើតភាពផ្អែមល្ហែមជាមួយតារាៗដូចគ្នា។ ដោយឡែកតារាស្រីមានឈ្មោះបោះសំឡេងទាំង ៥រូបនេះវិញ គូស្នេហ៍របស់ពួកគេមិនមែនជាតារា ឬមិនមែនជាអ្នកក្នុងរង្វង់សិល្បៈឡើយ។ ខាងក្រោមនេះគឺជាតារាស្រី ៥រូបដែលកំពុងសាងភាពផ្អែមល្ហែមជាមួយគូស្នេហ៍ដែលមិនមែនស្ថិតក្នុងចង្កោមសិល្បៈ ៖

១.  កញ្ញា Jakjaan Akhamsiri

បើតាមដឹងគឺកញ្ញា Jakjaan Akhamsiri មានទំនាក់ទំនងយ៉ាងស្អិតរមួតជាមួយបុរសសង្ហាម្នាក់ ប៉ុន្តែមិនមែនអ្នកសិល្បៈឡើយ។ សម្រាប់ទំនាក់ទំនងរបស់អ្នកទាំងពីរគឺមានរយៈពេលយូរមកហើយ។ មិនតែប៉ុណ្ណោះ អ្នកទាំងពីរក៏មានគម្រោងចូលរោងការក្នុងពេលឆាប់ៗនេះផងដែរ។

២. កញ្ញា Taew Natapohn

សម្រាប់កញ្ញា Taew Natapohn បច្ចុប្បន្ននេះកំពុងមានទំនាក់ទំនងស្នេហាជាមួយនឹងកម្លោះសង្ហាម្នាក់ ដែលគេស្គាល់ថាជាប្អូនប្រុសរបស់មិត្តប្រុស Aum Patchrapa។

៣. កញ្ញា Ying Rhatha

រីឯកញ្ញា Ying Rhatha ក៏មានគម្រោងរៀបការជាមួយបុរសសាមញ្ញម្នាក់ក្នុងពេលឆាប់ៗខាងមុខនេះផងដែរ។

៤. កញ្ញា Matt Peranee 

កញ្ញា Matt Peranee មានទំនាក់ទំនងជាមួយលោក Songkarn អស់រយៈពេលជិត ២ឆ្នាំមកហើយ។

៥. កញ្ញា Mint Chalida

ដោយឡែកកញ្ញា Mint Chalida និងលោក Pupaa គឺមានទំនាក់ទំនងជាមួយគ្នាអស់រយៈពេលជាង ៨ឆ្នាំមកហើយ។ អ្នកទាំងពីរគឺតែងតែផ្តល់ពេលវេលាឲ្យគ្នា និងផ្អែមល្ហែមជាមួយគ្នាស្ទើរតែគ្រប់ពេលវេលាតែម្តង៕