អង់គ្លេស៖ អ្នកចាត់ការទូទៅក្រុមមាន់ខ្នាយមាស Tottenham Hotspur លោក Jose Mourinho ត្រូវបានគេរាយការណ៍មកថា បានធ្វើការទាក់ទងផ្ទាល់ទៅកាន់ខ្សែបម្រើស្លាបក្រុមកញ្ជ្រោងខៀវ Leicester City កីឡាករ Demarai Gray។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមរបាយការណ៍របស់កាសែត Football Insider ក្លិប Tottenham មានបំណងចង់នាំយក Gray មកកាន់ភាគខាងជើងទីក្រុងឡុងដ៍នារដូវក្ដៅនេះ បន្ទាប់ពីតាមប្រមាញ់យករូបគេជាយូរណាស់មកហើយ។
មិនត្រឹមតែប៉ុណ្ណោះ ប្រភពដដែលបានបន្ថែមទៀតថា ដើម្បីពន្លឿនការផ្ទេរយកខ្សែបម្រើស្លាបវ័យ២៤ឆ្នាំឲ្យមានភាពជោគជ័យ លោក Mourinho បានធើ្វការទាក់ទងទៅបញ្ចុះបញ្ចូលរូបគេផ្ទាល់តែម្ដង។
ជាមួយគ្នានេះ Leicester ក៏ទំនងចង់បញ្ចេញ Gray ផងដែរ ដោយសារតែកុងត្រារបស់ខ្សែបម្រើស្លាបរូបនេះ នៅទឹកដី King Power នៅមានសុពលភាពប្រមាណ១០ខែទៀតប៉ុណ្ណោះ ពោលគឺផុតកំណត់នាដំណច់ខែមិថុនា ឆ្នាំក្រោយ។
គួររម្លឹកដែរថា Gray បានផ្លាស់ពីក្លិប Birmingham មកចូលរួមជាមួយ Leicester កាលពីឆ្នាំ២០១៦។ គិតមកទល់ពេលនេះ គេបង្ហាញខ្លួនបាន ១៦៧ប្រកួត ស៊ុតបញ្ចូលទីបាន១៣គ្រាប់ និងបញ្ជូនបាល់ឲ្យរួមក្រុមសម្រេចទីបាន១៧ដង៕
ប្រភព៖ thesun