អេស្ប៉ាញ៖ ខ្សែប្រយុទ្ធសញ្ជាតិអាហ្សង់ទីន កីឡាករ Lionel Messi បានដាក់សំណើសុំចែកផ្លូវជាមួយនឹងក្លិប Barcelona កាលពីម្សិលមិញនេះ ក្រោយមកចូលរួមជាមួយក្លិបយក្សតំបន់កាតាឡាន់តាំងពីមានវ័យ១៣ឆ្នាំមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បន្ទាប់ពីលេចឮដំណឹងដ៏គួរឲ្យភ្ញាក់ផ្អើលនេះ អតីតខ្សែការពារឆ្នើមរបស់ Barca លោក Puyol និងម្ចាស់អាវលេខ៩ បច្ចុប្បន្ន កីឡាករ Luis Suarez បានធ្វើការគាំទ្រពេញទំហឹងចំពោះការសម្រេចចិត្តរបស់ Messi។
ក្នុងនោះដែរលោក Puyol ដែលជាអតីតប្រធានក្រុម Barca ធ្លាប់ជាមិត្តរួមក្រុមរបស់ Messi ដែរនោះ បានសរសេរ បង្ហោះនៅលើបណ្ដាញសង្គម Twitter ថា៖ “គោរព និង ស្ញើចសរសើរការសម្រេចចិត្តរបស់ Leo។ ខ្ញុំគាំទ្រ។” ជាមួយគ្នានេះ ក្រោយឃើញការបង្ហោះរបស់ Puyol កីឡាករ Suarez ក៏បានចូលទៅខមិន ដោយដាក់រូប ទះដៃអបអរ។
គួរឲ្យដឹងដែរថា Suarez ក៏កំពុងខិតជិតនឹងចាកចេញពីទឹកដី Camp Nou នៅរដូវក្ដៅផងដែរ ដោយសារតែរូបគេមិនស្ថិតក្នុងគម្រោងប្រើប្រាស់របស់គ្រូបង្វឹកថ្មីលោក Ronald Koeman នោះទេ៕
ប្រភព៖ dailymail