យ៉េរូសាឡឹម៖ មេបញ្ជាការកងកំលាំងការពារជាតិអ៊ីស្រាអែលបានឱ្យដឹងថា យន្តហោះអ៊ីស្រាអែលបានទម្លាក់គ្រាប់បែកជាច្រើនកន្លែង ទៅលើប៉ុស្តិ៍សង្កេតការណ៍របស់ក្រុមសកម្មប្រយុទ្ធហេប៊ូឡា (Hezbollah) ទាំងយប់ បន្ទាប់ពីមានគ្រាប់កាំភ្លើងជាច្រើនគ្រាប់ ត្រូវបានចេញតាមបណ្តាយព្រំដែនប្រទេសលីបង់ ឆ្ពោះទៅរកមូលដ្ឋានកងកំលាំងការពារជាតិអ៊ីស្រាអែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរហូតមកទល់នេះ មិនទាន់មានរបាយការណ៍ណាមួយស្តីពីការរងរបួសរបស់ទាហានអ៊ីស្រាអែលនៅឡើយទេ ចំណែកសេចក្តីរាយការណ៍អំពីអ្នកស្លាប់ និងរបួសនៅភាគីប្រទេសលីបង់ក៏មិនទាន់មានដែរ។
គួរឱ្យដឹងដែរថា ភាពតានតឹងរវាងអ៊ីស្រាអែលនិងលីបង់បានកើនឡើងខ្លាំង បន្ទាប់ពីក្រុមសកម្មប្រយុទ្ធហេប៊ូឡាបានប្រកាសថា សមាជិកម្នាក់របស់ខ្លួន ត្រូវបានសម្លាប់នៅក្នុងការវាយប្រហារតាមអាកាសរបស់អ៊ីស្រាអែល នៅភាគខាងត្បូងរដ្ឋធានីដាម៉ាសរបស់ប្រទេសស៊ីរីកាលពីខែកក្កដា។ ហើយដើម្បីជាការឆ្លើយតប ក្រុមហេប៊ូឡាបានចេញការព្រមានជាផ្លូវការថានឹងធ្វើការសងសឹកវិញ ស្របពេលដែលអ៊ីស្រាអែល កំពុងបង្កើនវត្តមានយោធារបស់ខ្លួន នៅតាមព្រំដែនជាប់ប្រទេសលីបង់និងស៊ីរី៕