កុំឲ្យសាំចិត្តទៀត! កម្មវិធី Chrome បានបន្ថែមមុខងារថ្មី និងដំណើរការលឿនជាងមុន១០ភាគរយ

បរទេស៖ ដូចដែលបានសន្យាហើយ Google នឹងនាំយកមុខងារការរៀបចំថ្មីសម្រាប់ Tab។ ចាប់ផ្ដើមពីថ្ងៃនេះ អ្នកប្រើ Chrome អាចដាក់ tabs ជាក្រុមបាននៅលើកុំព្យូទ័រ។ ការដាក់ tabs ជាក្រុមគឺអាចកំណត់បាន ដូចជាបានដាក់ឈ្មោះឲ្យពួកវានិងដាក់ពណ៌ ហើយអ្នកអាចបង្រួមពង្រីកឬអូសពួកវាបានកាន់តែងាយស្រួល។

ពួកវានឹងលេចឡើងគ្រប់ពេលដែលអ្នកបិទនិងបើកដំណើរការ Chrome ឡើងវិញ។ នោះគ្រាន់តែជាលក្ខណៈពិសេសនៃផលិតភាពមួយចំនួន ដែលចូលមកកាន់កម្មវិធី Chrome ថ្ងៃនេះ។ ឥឡូវនេះ នៅពេលដែលអ្នកចុចប៉ះ tab មួយ អ្នកនឹងឃើញផ្ទាំង preview ដ៏តូចមួយនៃទំព័រនោះ។

អ្នកក៏អាចបំពេញនិងរក្សាទុកឯកសារ PDF ដោយផ្ទាល់នៅក្នុង Chrome ឬក៏ប្រើ Shortcut របស់ Adobe PDF ក៏បាន។ សូមកុំបារម្ភពីមុខងារថ្មីទាំងនេះ វានឹងមិនធ្វើឲ្យកម្មវិធី Chrome ដើរយឺតនោះទេ។ ការពិតទៅ tabs អាចនឹង load លឿនជាងមុន១០ភាគរយ៕