អេស៉្បាញ៖ បន្ទាប់ពីបានដឹងថាកីឡាករប្រធានក្រុម Lionel Messi ស្នើសុំចាកចេញពីក្លិប Barcelona ថ្មីៗនេះ ក្រុមអ្នកគាំទ្របានប្រមូលផ្តុំគ្នាតវ៉ានៅក្រៅកីឡាដ្ឋាន Camp Nou ក្នុងគោលបំណងចង់ឲ្យថ្នាក់ដឹកនាំក្លិបធ្វើយ៉ាងណាកុំឲ្យកីឡាករវ័យ៣៣ឆ្នាំរូបនេះចាកចេញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះពួកគេបានបង្ហាញកាយវិការមិនពេញចិត្តជាខ្លាំងលើការគ្រប់គ្រងរបស់លោកប្រធានក្លិប Bartomeu ពោលគឺអ្នកគាំទ្រទាំងនោះចង់ឲ្យលោកចាកចេញពីតំណែងជាប្រធានក្លិប Barcelona តែម្តង។
មែនទែនទៅបន្ទាប់ពីលោក Koeman មកកាន់តំណែងជាគ្រូបង្វឹកជំនួសលោក Quique Setien លោកបានធ្វើការពិភាក្សាមួយជាមួយ Messi ដោយកីឡាកររូបនេះបានប្រាប់លោកថារូបគេមានគម្រោងចាកចេញពី Barca នៅរដូវក្ដៅនេះ។ ហើយនៅពេលនេះ Barcelona បានបញ្ជាក់ជាផ្លូវការថា Lionel Messi បានដាក់សំណើសុំចែកផ្លូវគ្នាជាមួយក្លិបត្រឹមរដូវកាលនេះ។ គួរឲ្យដឹងដែរថាកុងត្រារបស់ Messi ជាមួយ Barcelona បានព្រមព្រៀងគ្នាថារូបគេមានសិទ្ធគ្រប់គ្រាន់ក្នុងការចាកចេញពីក្លិបនៅបញ្ចប់រដូវកាលណាមួយដែលកីឡាកររូបនេះចង់ចាកចេញ៕
ប្រភព៖ thesun