អស់ពី Ronaldo និង Messi ឥឡូវក្លិបបារាំងងាកមកចាប់ចិត្តខ្សែប្រយុទ្ធម្នាក់របស់ Barca វិញ

យោងតាមរបាយការណ៍របស់គេហទំព័រកីឡា Sport បានអះអាងថា Paris Saint-Germain កំពុងពិចារណាលើការចុះហត្ថលេខាយកកីឡាករ Luis Suarez មកចាប់ដៃគូសាជាថ្មីជាមួយអតីតមិត្តរួមក្រុម Barcelona កីឡាករ Neymar ។

អ្វីដែលជាកត់សម្គាល់នោះ បន្ទាប់ពីការមកដល់របស់លោក Ronald Koeman ក្នុងនាមជាអ្នកចាត់ការទូទៅជំនួសលោកគ្រូ Setien ខ្សែប្រយុទ្ធវ័យ ៣៣ ឆ្នាំរូបនេះត្រូវបានគេរំពឹងថា នឹងចាកចេញពីក្រុមអ្នកមានបុណ្យ Barcelona ។

ប្រភពខាងលើក៏បានរាយការណ៍ទៀតថា ខ្សែប្រយុទ្ធជម្រើសជាតិអ៊ុយរ៉ាហ្គាយរូបនេះហាក់មិនចាប់អារម្មណ៍ក្នុងការវិលត្រឡប់ទៅក្លិបចាស់ Ajax របស់ប្រទេសហូឡង់វិញនោះទេ ខណៈមានក្លិបជាច្រើនទៀតនៅតំបន់អឺរ៉ុប ក៏ចង់បាន Luis Suarez ផងដែរ៕

ប្រភព៖ Goal