ហេតុតែកូនតារាកំប្លែង! កូន នាយក្រូច បាក់ដៃប៉ុណ្ណឹងហើយ នៅកំប្លែងបានទៀត (មានវីដេអូ)

ភ្នំពេញ៖ តារាកំប្លែងដ៏ល្បី នាយក្រូច បច្ចុប្បន្ន កាន់តែមានឈ្មោះល្បីល្បាញខ្លាំងឡើងៗពីមួយឆ្នាំទៅមួយឆ្នាំ ដោយតារារូបនេះ ជាតារាកំប្លែងមួយរូបអាចធ្វើឲ្យមហាជនជាច្រើនទទួលបានភាពសប្បាយរីករាយ តាមរយៈកាយវិការ និងពាក្យសម្ដីកំប្លុកកំប្លែងរបស់លោកផងដែរ។ 

ក្រៅពីជាតារាកំប្លែងដែលទទួលបានការចាប់អារម្មណ៍ច្រើនពីទស្សនិកជនហើយ ពេលនេះលោកក៏មានឆានែលយូធូបផ្ទាល់ខ្លួន ដើម្បីបង្ហោះវីដេអូថ្មីៗទាក់ទងជាមួយនឹងសកម្មភាពឯកជន និងការងារប្រចាំថ្ងៃរបស់លោកផ្ទាល់ឲ្យអ្នកគាំទ្របានឃើញទៀតផង។ ម្យ៉ាងវិញទៀត រាល់វីដេអូដែលតារាកំប្លែងរូបនេះបង្ហោះម្ដងៗមានអ្នកចូលមើលមិនណយនោះទេ ហើយរាល់វីដេអូ សុទ្ធសឹងតែបង្ហាញពីភាពសប្បាយរីករាយជានិច្ច។ 

ជាក់ស្ដែង កាលពីម្សិលមិញនេះ នាយក្រូច ក៏បានបង្ហោះវីដេអូថ្មីទាក់ទងជាមួយកូនប្រុសបង្កើតផងដែរ តែអ្វីដេលយើងចាប់អារម្មណ៍ខ្លាំងបំផុតនោះ គឺកូនប្រុសតារារូបនេះបានបាក់ដៃខាងឆ្វេងកំឡុងពេលលេងបាល់ទាត់។ ក្នុងវីដេអូនោះផងដែរ បានធ្វើឲ្យហ្វេនៗជាច្រើន អាណិត និងសើចស្ទើរតែចង់គាំង ដោយសារកូនប្រុសតារាកំប្លែងរូបនេះ ទោះកំពុងឈឺដៃ និងតឆ្អឹង ក៏នៅបង្ហាញពីសកម្មភាពបំប្លុកកំប្លែងមិនចាញ់ឪពុកប៉ុន្មានឡើយ ជាពិសេស ធ្វើឲ្យអ្នកនៅជុំវិញខ្លួនសឹងតែទប់សំណើចមិនចង់បាន។ 

ម្យ៉ាងវិញទៀត នាយក្រូច បានសម្ដែងនៅក្ដីព្រួយបារម្ភចំពោះកូន តែក៏មិនអាចទប់សំណើចបាន ដោយសាររាល់សកម្មភាព និងការនិយាយស្ដីរបស់កូនពិតជាកំប្លែងតែម្ដង៕

សូមទស្សនារូបភាពខាងក្រោម៖​