ម៉ានីល៖ ករណីបំផ្ទុះគ្រាប់បែកផ្ទួនៗគ្នាពីរលើក នៅក្នុងទីក្រុង ហ្សូឡូ (Jolo) ខេត្តស៊ូលូ (Sulu) ភាគខាងត្បូងប្រទេសហ្វីលីពីនកាលពីថ្ងៃច័ន្ទ បានបណ្តាលឱ្យមនុស្សយ៉ាងហោចណាស់ ១៤នាក់ស្លាប់បាត់បង់ជីវិត និង ៧៥នាក់ផ្សេងទៀត ត្រូវរងរបួសធ្ងន់ស្រាល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមមន្ត្រីយោធាហ្វីលីពីនសង្ស័យថា ការបំផ្ទុះគ្រាប់បែកនេះ ត្រូវបានធ្វើឡើងដោយក្រុមសកម្មប្រយុទ្ធអ៊ីស្លាម ដែលមានទំនាក់ទំនងជាមួយក្រុមភេរវកម្ម-Abu-Sayyaf ខណៈពេលដែលអ្នកនាំពាក្យរបស់ប្រធានាធិបតី រ៉ូឌ្រីហ្គោ ឌូទើតេ បានថ្កោលទោសចំពោះការវាយប្រហារនេះថាជារឿងអាក្រក់បំផុត ដែលបានកើតឡើងក្នុងប្រទេសហ្វីលីពីននៅឆ្នាំនេះ។
គួរជម្រាបដែរថា អាជ្ញាធរហ្វីលីពីនបាននឹងកំពុងបើកការស៊ើបអង្កេតមួយ ដោយរួមមានការកំណត់អត្តសញ្ញាណបុគ្គល ឬក្រុមដែលស្ថិតនៅពីក្រោយការវាយប្រហារដ៏សាហាវនេះ។ រហូតមកទល់ពេលនេះ មិនទាន់មាននរណាម្នាក់ចេញមុខទទួលខុសត្រូវលើករណីបំផ្ទុះគ្រាប់បែកនេះនៅឡើយទេ។ ប៉ុន្តែក្រុមភេរវកម្មភាគខាងត្បូងហ្វីលីពីនត្រូវបានគេដឹងថា ធ្លាប់ជាអ្នកបង្កហេតុការណ៍ជាច្រើនលើកច្រើនសា តាំងតែពីដើមរហូតមក៕