យេរូសាឡឹម៖ ក្រុមយុវជនអ៊ីស្រាអែលបានធ្វើកំណាយរកឃើញកាក់មាសសុទ្ធចំនួន ៤២៥កាក់ ដាក់នៅក្នុងក្រឡដីឥដ្ឋមួយ ដែលមានអាយុកាលជាង ១ពាន់ឆ្នាំមុន។ យោងតាមអាជ្ញាធរបេតិកភណ្ឌអ៊ីស្រាអែលបាននិយាយកាលពីថ្ងៃច័ន្ទថា កំណប់កាក់មាសនេះត្រូវបានរកឃើញកាលពីថ្ងៃទី ១៨ ខែសីហា ដោយក្រុមយុវជនស្ម័គ្រចិត្តនៅទីតាំងធ្វើកំណាយមួយ ដែលស្ថិតនៅភាគកណ្តាលប្រទេសអ៊ីស្រាអែល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសេចក្តីថ្លែងការណ៍របស់អ្នកដឹកនាំធ្វើកំណាយបានឱ្យដឹងថា ម្ចាស់កប់កំណប់កាក់មាស ដែលមានអាយុកាល១,១០០ឆ្នាំនេះ បានរៀបចំកប់កាក់មាសដ៏មានតម្លៃនេះបានយ៉ាងត្រឹមត្រូវបំផុត ដោយសង្ឃឹមថាថ្ងៃណាមួយ នឹងអាចមានឱកាសវិលត្រឡប់មកយកវាវិញ។
គួរជម្រាបដែរថា ទីតាំងដែលកាក់មាសទាំងនេះត្រូវបានរកឃើញ គឺជាកន្លែងរោងជាងកាលពីសម័យបុរាណ ហើយអត្តសញ្ញាណរបស់ម្ចាស់កំណប់នេះនៅតែជាអាថ៌កំបាំងនៅឡើយ។ ហើយបើតាមអាជ្ញាធរបុរាណវិទ្យាក៏បានឱ្យដែរថា កាលពីសតវត្សរ៍ទី៩ កាក់មាសសុទ្ធចំនួន ៤២៥កាក់នេះ គឺស្មើនឹងចំនួនទឹកប្រាក់ដ៏ច្រើនសន្ធឹកសន្ធាប់ ដែលអាចយកទៅទិញផ្ទះដ៏ប្រណីតបំផុតមួយកាលពីសម័យនោះ៕