បរទេស៖ ក្រុមអ្នកសង្កេតការណ៍ផ្នែកយោធាជាច្រើន កំពុងមានការភ្ញាក់ផ្អើលយ៉ាងខ្លាំងបន្ទាប់ពីឃើញរូបភាពផ្កាយរណបមួយ ដែលបង្ហាញពីនាវាមុជទឹករបស់ប្រទេសចិន ចូលទៅក្នុងមូលដ្ឋានក្រោមដីនៅកោះហៃណានក្នុងតំបន់សមុទ្រចិនខាងត្បូង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរូបភាពដ៏កម្រនេះ ត្រូវបានថតជាប់នៅថ្ងៃទី ១៩ ខែសីហា តាមរយៈផ្កាយរណបរបស់ក្រុមហ៊ុនអាមេរិក Planet Labs ហើយត្រូវបានចេញផ្សាយនៅលើបណ្តាញសង្គម ដោយគណនេយ្យ Radio Free Asia ដែលបង្ហាញឱ្យឃើញនាវាមុជទឹកពិឃាដនុយក្លេអ៊ែរប្រភេទ០៩៣ របស់កងជើងទឹកនៃកងទ័ពរំដោះប្រជាជនចិន (PLAN) បានចូលតាមផ្លូវក្រោមដីមួយ ឆ្ពោះទៅមូលដ្ឋានទ័ពជើងទឹក Yulin Naval Base ។
អ្នកប្រើប្រាស់បណ្តាលសង្គមជាច្រើនកំពុងមានការងឿងឆ្ងល់ ហើយបានលើកឡើងជាសំណួរ ថាតើនាវាដើរដោយថាមពលនុយក្លេអ៊ែររបស់ចិននេះអាចចតនៅទីណា ខណៈដែលនាវាមុជទឹកផ្សេងទៀត ក៏មិនអាចមើលឃើញតាមរូបភាពផ្កាយរណប ដែលបង្ហាញពីមូលដ្ឋានទ័ពយុទ្ធសាស្រ្តចិននេះដែរ។
សូមជម្រាបដែរថា មូលដ្ឋានកងទ័ពជើងទឹក Yulin ដែលស្ថិតនៅលើកោះហៃណាន គឺជាទីតាំងយុទ្ធសាស្ត្រសំខាន់របស់ប្រទេសចិន ដោយមូលដ្ឋាននេះលាតសន្ធឹងជិត ៥០០គីឡូម៉ែត្រ នៅភាគនិរតីទីក្រុងហុងកុង ហើយវាក៏ជាទីកន្លែងសម្រាប់កងនាវាមុជទឹកនុយក្លេអ៊ែររបស់ចិនជាច្រើនគ្រឿងផងដែរ។ មិនតែប៉ុណ្ណោះ មូលដ្ឋាននេះក៏ស្ថិតនៅអែបតំបន់ភាគខាងជើងនៃសមុទ្រចិនខាងត្បូងដែរ ដែលជាតំបន់កំពុងមានជម្លោះមួយប្រទេសជិតខាងដូចជា ប៊្រុយណេ ឥណ្ឌូណេស៊ី ម៉ាឡេស៊ី ហ្វីលីពីន តៃវ៉ាន់ និងវៀតណាម៕