អង់ការ៉ា៖ ប្រធានាធិបតីតួកគីលោក តាយយីប អ៊ែរដូហ្កាន (Tayyip Erdogan) បាននិយាយកាលពីថ្ងៃអាទិត្យថា ជំនន់ទឹកភ្លៀងនៅតំបន់សមុទ្រខ្មៅភាគខាងជើងរបស់ប្រទេសតួកគី បានសម្លាប់មនុស្សយ៉ាងតិច ៥នាក់ ហើយទន្ទឹមនឹងនេះ អាជ្ញាធរបាននឹងកំពុងស្វែងរកមនុស្សចំនួន ១១នាក់ផ្សេងទៀតដែលបានបាត់ខ្លួន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
គ្រោះទឹកជំនន់ ដែលបណ្តាលមកពីភ្លៀងធ្លាក់ខ្លាំងខុសពីធម្មតានេះ បានហូរនាំយកកម្ទេចកម្ទី និងរថយន្តជាច្រើនគ្រឿងនៅតាមដងផ្លូវទៅកប់ក្នុងភក់។ ហើយបើតាមខ្សែវីដេអូនិងរូបភាពជាច្រើននៅក្នុងខេត្ត Giresun បានបង្ហាញឱ្យឃើញពីសកម្មភាពអ្នកស្រុកនាំគ្នាសម្អាតតាមដងផ្លូវ ខណៈដែលគ្រឿងចក្រជាច្រើនទៀត បានឈូសឆាយកម្ទេចកម្ទីចេញ។
ក្នុងសេចក្តីថ្លែងការណ៍មួយនៅទីក្រុងអ៊ីស្តង់ប៊ុលលោក អ៊ែរដូហ្កាន បានលើកឡើងយ៉ាងដូច្នេះថា៖
ចំពោះរបាយការណ៍ដំបូងដែលយើងទទួលបាន គឺមានមនុស្សចំនួន ៥នាក់បានស្លាប់ ហើយ ១២នាក់ផ្សេងទៀត គឺបានរងរបួសដោយសារទឹកជំនន់នេះ។ មិនតែប៉ុណ្ណោះ វាក៏បានបន្តវាយប្រហារទៅដល់ខេត្តជិតខាងមួយទៀត ដូចជាខេត្ត Rize និងខេត្ត Trabzon ។
គួរជម្រាបដែរថា ជំនន់ទឹកភ្លៀងនេះ ក៏បានបណ្តាលឱ្យអគារចំនួន ១៧ខ្នងបាក់រលំទាំងស្រុង ចំណែក ៣៦១ខ្នងទៀតត្រូវរងការខូចខាត។ ហើយរហូតមកទល់ពេលនេះ ក្រុមអ្នកជួយសង្គ្រោះប្រមាណ ១,០០០នាក់ បាននឹងកំពុងបន្តស្វែងរកអ្នកដែលបានបាត់ខ្លួន៕
Bong I.T