ថៃ៖ នៅក្នុងសិល្បៈកម្សាន្តរបស់ប្រទេសថៃ គឺមានតារាប្រុសស្រីជាច្រើនគូបានស្រលាញ់គ្នារហូតដល់ដឹកដៃគ្នាចូលរោងការ សាងគ្រួសារដ៏មានសុភមង្គលជាមួយគ្នា ហើយក៏មានគូស្នេហ៍ខ្លះក៏បានដើរដល់ផ្លូវបំបែកផងដែរ។ បើងាកមកមើលគូស្នេហ៍ទាំង ៣គូនេះវិញគឺបានសាងទំនាក់ទំនងស្នេហាជាមួយគ្នាអស់រយៈពេលជាង ៧ឆ្នាំមកហើយ ប៉ុន្តែនៅមិនទាន់សម្រេចចិត្តចូលរោងការនៅឡើយទេ។ មកស្គាល់ គូស្នេហ៍ទាំង ៣គូនេះទាំងអស់គ្នា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. លោក Mario Maurer និងកញ្ញា Junji Junjira
បើគិតទល់នឹងពេលនេះ រវាងតារាសម្តែងប្រុសលោក Mario Maurer និងតារាសម្តែងស្រីកញ្ញា Junji Junjira គឺមានទំនាក់ទំនងស្នេហាជាមួយគ្នាជិត ៧ ឆ្នាំហើយ។ កាលពីពេលថ្មីៗនេះ លោក Mario ក៏បានផ្តល់បទសម្ភាសន៍ទៅកាន់អ្នកសារព័ត៌មានថា គាត់នៅមិនទាន់មានគម្រោងរៀបការនៅឡើយទេ រង់ចាំមើលពេលវេលាបន្តិចទៀតសិន។
២. លោក Pai Partith និងកញ្ញា Namtarn Pichukkana
រីឯគូស្នេហ៍រវាងលោក Pai Partith និងកញ្ញា Namtarn Pichukkana វិញក៏ស្វីតមិនធម្មតា ធ្វើឲ្យអ្នកគាំទ្រច្រណែនគ្រប់ៗគ្នា។ ហើយអ្នកទាំងពីរគឺមានទំនាក់ទំនងស្នេហាជាមួយគ្នាអស់រយៈពេលជាង ៧ ឆ្នាំមកហើយ។
៣. លោក Mark Prin និងកញ្ញា Kimmy Kimberley
សម្រាប់គូស្នេហ៍ផ្អែមល្ហែមរវាងលោក Mark Prin និងកញ្ញា Kimmy Kimberley គិតមកទល់នឹងពេលនេះ ស្នេហារបស់អ្នកទាំងពីរគឺមានរយៈពេលជិត ៧ ឆ្នាំដែរហើយ។ លើសពីនេះទៅទៀត អ្វីដែលហ្វេនៗជូនពរ គឺចង់ឃើញ Mark Prin និង Kimberley ដឹកដៃគ្នាចូលរោងការក្នុងពេលឆាប់ៗនេះ៕