ចិន៖ ប្រិយមិត្តអ្នកអានមួយចំនួន ប្រាកដជាបានជ្រាបខ្លះៗហើយ អំពីស្ថានភាពទឹកជំនន់នៅទីក្រុង Chongqing ប្រទេសចិន ដែលបណ្ដាលឲ្យប្រជាពលរដ្ឋជាច្រើន ត្រូវជម្លៀសទៅរកកន្លែងសុវត្ថិភាព និងហាងផ្សេងទៀតៗត្រូវផ្អាកដំណើរការផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះដែរ មានស្ត្រីម្នាក់ មិនបញ្ចេញឈ្មោះ បានធ្វើឲ្យមហាជនអ្នកប្រើប្រាស់បណ្ដាញសង្គមចិន Weibo កោតសរសើរយ៉ាងខ្លាំង ទៅនឹងទង្វើដែលគាត់បានធ្វើដើម្បីស្វាមី។
ប្រភពបានឲ្យដឹងថា ស្ត្រីរូបនោះ រួមទាំងស្វាមី គឺជាអ្នកគាំទ្រយ៉ាងខ្លាំងទៅលើប្រដាប់លេងបែបតួអង្គគំនូរជីវចលជប៉ុន។ ហើយស្វាមីរបស់គាត់ បានបង្ខំចិត្តបោះបង់ប្រដាប់លេងទាំងអស់ចោលនៅផ្ទះ ដោយសារតែមិនចេះហែលទឹកទៅប្រមូល។ យ៉ាងណាមិញ ស្ត្រីជាប្រពន្ធ អាចហែលទឹកបានឆ្ងាយ និងសម្រេចចិត្តជិះទូកពោង ទៅប្រមូលគ្រប់ប្រដាប់លេងទាំងអស់ឲ្យស្វាមី មកកាន់ទីទួលសុវត្ថិភាពវិញ ដោយមានស្នាមរបួសបន្ដិចប៉ុណ្ណោះនៅត្រង់ម្រាមដៃ។
ហើយវីដេអូដែលបង្ហាញពីសកម្មភាពស្ត្រីជាប្រពន្ធក្នុងថ្ងៃនោះ ទទួលបានភាពល្បីល្បាញ និងមានអ្នកចុចចូលទស្សនាយ៉ាងច្រើនផងដែរ៕
សូមទស្សនារូបភាពនិងវីដេអូខាងក្រោម៖