អាមេរិក៖ អង្គការណាសាបានរាយការណ៍កាលពីថ្ងៃសៅរ៍ថា អាចម៍ផ្កាយមួយនឹងហោះសំដៅមកកាន់ផែនដី ពោលគឺមួយថ្ងៃមុនថ្ងៃបោះឆ្នោតនៅសហរដ្ឋអាមេរិក ប៉ុន្តែឱកាសនៃផលប៉ះពាល់គឺតិចជាងមួយភាគរយ។ ក្រុមអ្នកវិទ្យាសាស្ត្របានដាក់ឈ្មោះឲ្យវាថា 2018VP1 ហើយទិន្នន័យបានបង្ហាញថា វាមានអង្កត់ផ្ចិត០.០០២គីឡូម៉ែត្រ នេះបើយោងតាមអង្គការណាសា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអង្គអវកាសមួយនេះត្រូវបានគេរកឃើញដំបូង នៅឯមន្ទីរអង្កេតតារាសាស្ត្រ Palomar Observatory រដ្ឋកាលីហ្វរញ៉ា ក្នុងឆ្នាំ២០១៨។ អង្គការណាសានិយាយថា វាអាចផ្ដល់ផលប៉ះពាល់ចំនួន៣ ប៉ុន្តែបើផ្អែកលើការសង្កេត២១ដង ដែលមានរយៈពេលជិត១៣ថ្ងៃ ទីភ្នាក់ងារអវកាសមួយនេះបានកំណត់ថា អាចម៍ផ្កាយមួយនេះនឹងមិនផ្ដល់ផលប៉ះពាល់ធ្ងន់ធ្ងរនោះទេ។
ទិន្នន័យបានបង្ហាញថា ឱកាសនៃការបុកទង្គិចផែនដីរបស់យើង គឺមានត្រឹមតែ០.៤១ភាគរយប៉ុណ្ណោះ។ អាចម៍ផ្កាយមួយនេះនឹងហោះឆ្លងកាត់ផែនដី នៅថ្ងៃទី២ ខែវិច្ឆិកា ដែលមុនមួយថ្ងៃនៃការបោះឆ្នោតជ្រើសរើសប្រធានាធិបតីរបស់អាមេរិក។ យ៉ាងណាមិញ សារព័ត៌មាន CNN បានទាក់ទងទៅកាន់អង្គការណាសាដើម្បីទទួលបានព័ត៌មានបន្ថែម ប៉ុន្តែមិនទទួលបានការឆ្លើយតបនោះទេ៕