ភ្នំពេញ៖ អាចនិយាយបានថា កញ្ញា សុភ័ក្រ កុសុម៉ា ជាតារាស្រីមួយរូបដែលកំពុងទទួលបានការចាប់អារម្មណ៍ខ្លាំងពីទស្សនិកជនគ្រប់ទិសទី ដោយតារារូបនេះ តែងតែធ្វើឲ្យមហាជនមានភាពសប្បាយរីករាយជានិច្ច តាមរយៈការកាយវិកា និងពាក្យសម្ដីលេងសើចជាដើម។ មិនតែប៉ុណ្ណោះ តារាស្រីរូបនេះក៏កាន់តែមានប្រជាប្រិយភាពខ្លាំងជាមុន បន្ទាប់ពីចាប់យកអាជីពជាពិធីការិនីអស់ជាច្រើនឆ្នាំកន្លងមកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បើងាកទៅមើលពីរូបសម្រស់មួយរយៈចុងក្រោយនេះ ឃើញថាតារាស្រីពូកែវោហាស័ព្ទរូបនេះ កាន់តែមានរូបសម្ផស្សស្រស់ស្អាតផូរផង់ជាងមុនផងដែរ។ ជាពិសេស បើការលេងស្ទាយ៍តុបតែងខ្លួនវិញ ក៏មានភាពទាក់ទាញខ្លាំងទៀតផង បើទោះបីតារារូបនេះ មានសម្បុរខ្មៅស្រអែម តែរាល់ពេលដែលនាងរៀបចំខ្លួនម្ដងៗពិតជាលេចធ្លោ ស្រស់សោភាតែម្ដង។
ម្យ៉ាងវិញទៀត រាល់សម្លៀកបំពាក់ដែលនាងបានស្លៀកក្នុងរយៈពេលចុងក្រោយនេះ សុទ្ធសឹងតែមានពណ៌ឆើតឆាយទាក់ភ្នែក ហើយថ្មីៗនេះ កញ្ញា សុភ័ក្រ កុសុម៉ា បានធ្វើឲ្យហ្វេនៗជាច្រើនភ្លឹកនឹងសម្រស់របស់របស់នាងជាថ្មី ដោយតារាស្រីរូបនេះបានតុបតែងខ្លួនយ៉ាងប្លែកខុសពីរាល់ដង ជាមួយឈុតពណ៌លឿង និងមានសក់ពណ៌លឿងផងដែរ។ ក្រោយស្លៀកមួយឈុតនេះ មើលទៅនាងពិតជាស្រស់ស្អាតប្លែកថែមមួយកម្រិតទៀត ដោយមើលមួយភ្លែតសឹងតែមិនស្គាល់ទៀតផង។
ក្នុងនោះដែរ បន្ទាប់ពីហ្វេនជាច្រើនឃើញរូបភាពជាច្រើនសន្លឹកនេះរួច ពួកគេបានចូលទៅ Comment សរសើរពីរូបសម្រស់របស់នាងស្ទើរតែគ្រប់គ្នាតែម្ដង៕
សូមទស្សនារូបភាពខាងក្រោម៖