ថៃ៖ ខាងក្រោមនេះជាតារាសម្តែងស្រី ៣រូបជាតួឯកស្រីដែលមានប្រជាប្រិយភាពរហូតដល់ពេលបច្ចុប្បន្ននេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតោះ! មកស្គាល់តារាសម្តែងស្រីទាំង ៣រូប៖
១. កញ្ញា Bella Ranee
តារាស្រី កញ្ញា Bella គឺជាតារាសម្តែងដ៏ឆ្នើមម្នាក់ ដែលធ្លាប់ដើរជាតួអង្គគ្រប់ប្រភេទនៅក្នុងរឿងភាគ។ ហើយរឿងដែលនាងទទួលបានប្រជាប្រិយភាព និងអាចឆក់យកបេះដូងទស្សនិកជនគឺរឿង “ស្នេហ៍ជ្រែកវណ្ណៈ” ជាមួយតារាសម្តែងប្រុសលោក James Jirayu។ បន្ទាប់មកទៀត នាងក៏ទទួលបានតួឯកឆ្នើមផ្សេងទៀតជាច្រើនរួមមានរឿង “ភ្លើងបុណ្យ” “បុព្វេសន្និវាស” និង“អន្លង់កម្ម” ។
២. កញ្ញា Baifern Pimchanok
សម្រាប់កញ្ញា Baifern វិញ ក៏ក្លាយជាតារាសម្តែងស្រីដ៏មានប្រជាប្រិយភាពម្នាក់ផងដែរ។ ដោយសារ តែនាងជំនាញ និងទេពកោសល្យសម្តែងពីធម្មជាតិ។ ហើយនាងក៏បានឆក់តំណែងតួឯកស្រីក្នុងរឿងជាច្រើនទាំងខ្សែភាពយន្ត និងរឿងភាគរបស់ប៉ុស្តិ៍ទូរទស្សន៍រួមមានរឿង “A Little Thing Called Love”, “Friend Zone”, “ស្នេហ៍កែភេទ” និងរឿង “វង្វេងភ្លើង”។
៣. កញ្ញា Nune Woranuch
រីឯតារាសម្តែងស្រីជើងចាស់ Nune Woranuch បានប្រឡូកក្នុងវិស័យសិល្បៈអស់រយៈពេលជាង ២០ឆ្នាំមកហើយ។ ចំពោះរឿងភាគដែលនាងទទួលបានការចាប់អារម្មណ៍ខ្លាំង និងល្បីរន្ទឺគឺរឿង “មាសទឹក៩” ព្រមទាំងរឿងល្បីៗផ្សេងៗទៀតជាច្រើនផងដែរ៕