គ្រាន់តែរុស្ស៊ីរកឃើញវ៉ាក់សាំងវីរុសកូរ៉ូណា គេយករូបលោក ពូទីន មកធ្វើជា Meme ល្បីពេញបណ្ដាញសង្គម

បរទេស៖ សេចក្ដីប្រកាសដែលថា ប្រទេសរុស្ស៊ីកំពុងជំរុញឲ្យមានវ៉ាក់សាំងដែលត្រូវបានអភិវឌ្ឍក្នុងប្រទេសរបស់ខ្លួន ចំពោះជំងឺកូវីដ-១៩ មិនត្រឹមតែនាំឲ្យមានការព្រួយបារម្ភជាអន្តរជាតិអំពីសុវត្ថិភាពប៉ុណ្ណោះទេ ថែមទាំងបង្កើតឲ្យមានព័ត៌មិនត្រឹមត្រូវនិងកំប្លែងជាច្រើន នៅលើបណ្ដាញសង្គម។

មាន meme ជាច្រើនដែលសើចចំអក ទៅលើការប្រកាសរបស់ប្រទេសរុស្ស៊ីពាក់ព័ន្ធនឹងវ៉ាក់សាំងជំងឺកូវីដ-១៩ ហើយត្រូវបានគេចែករំលែកជាច្រើនភាសាទៀតផង។ អ្នកខ្លះបង្ហាញប្រធានាធិបតីរុស្ស៊ី វ៉្លាឌីមៀរ ពូទីន ថាជាកំពូលវីរៈបុរសដូចជា Spiderman ឬ Ironman ដែលជួយសង្គ្រោះពិភពលោក។ រូបភាពពេញនិយមបំផុតមួយ ដែលត្រូវបានគេកាត់តរូបលោកពូទីន ជិះខ្លាឃ្មុំជាមួយសារ៉ាំងយក្យមួយនៅជាប់ខ្នងរបស់គាត់។

ក៏មានការចែករំលែកការបង្ហោះ អបអរសាទរការប្រកាសវ៉ាក់សាំងរបស់រុស្ស៊ីផងដែរ នៅលើទំព័របណ្ដាញសង្គមហ្វេសប៊ុក ដែលជាអ្នកគាំទ្ររបស់លោកពូទីន ហើយត្រូវបានគេចែករំលែកច្រើនជាង២០ម៉ឺនដង។ ការបង្ហោះមួយចំនួនបានប្រៀបធៀបផ្កាយរណបដំបូងគេរបស់សូវៀត បានត្រួសត្រាយផ្លូវសម្រាប់វិស័យអវកាស ចំណែកវ៉ាក់សាំងនេះវិញបានត្រួសត្រាយផ្លូវ សម្រាប់ពិភពលោកដោយមិនត្រូវការពាក់ម៉ាស់ និងគម្លាតសុវត្ថិភាពសង្គមទៀតទេ៕