យល់ដឹង៖ ជាធម្មជាតិបង្កើត មនុស្សម្នាក់ៗមក របែងមានរូប ក៏មានទុក្ខមកជាមួយគ្នា គ្មាននរណាម្នាក់ លើលោកកីនេះអាចគេចផុត ពីសេចក្តីទុក្ខបាននោះទេ គ្រាន់តែថាកម្រិត ទុក្ខរបស់មនុស្សៗ មានភាពខុសៗគ្នាអាស្រ័យទៅតាមកម្មផល ដែលគេធ្លាប់បានសាង មកពីជាតិមុនតែប៉ុណ្ណោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមានមនុស្សមួយចំនួន តែងតែមានទម្លាប់មិនល្អមួយគឺ នៅពេលដែលមាន បញ្ហាអ្វីមួយតែងតែ យកទៅនិយាយរៀបរាប់ ប្រាប់អ្នកក្បែរៗខ្លួន ពីទុក្ខលំបាកបែបនេះបែបនោះ ឬបើមិនដូច្នេះទេ យកទៅបញ្ចេញលើ បណ្តាញសង្គម ដើម្បីទាមទារ ការចាប់អារម្មណ៍ សុំក្តីអាណិត ពីមនុស្សជុំវិញខ្លួនជាដើម។
ក៏ប៉ុន្តែអ្នកត្រូវតែដឹងថា គ្មាននរណាម្នាក់ដែលគេ ចូលចិត្តស្តាប់នៅបញ្ហារបស់ អ្នកគ្រប់ពេលនោះទេ យូរៗម្តងរកអ្នកនិយាយចែករំលែកអារម្មណ៍ មិនជាបញ្ហានោះទេ តែបើញយដងពេកគេក៏ធុញដែរ ព្រោះគេក៏មានបញ្ហា មានទុក្ខ ដែលត្រូវដោះស្រាយដូចជាអ្នកដែរ។
តែមានមនុស្សមួយប្រភេទទៀត ទោះបីកំពុងជួបទុក្ខធំប៉ុណ្ណា ក៏នៅតែសំងំធ្វើធម្មតា មិនបញ្ចេញឲ្យ អ្នកនៅក្បែរខ្លួនបារម្ភ ឬដឹងពីទុក្ខលំបាក របស់គេនោះទេ៕
តើអ្នកជាមនុស្សដែលស្ថិតក្នុងប្រភេទទីប៉ុន្មាន?
អ្នកដែលកំពុងជួបទុក្ខតែមិនរំអួយព្រោះតែពួកគេជាប្រភេទមនុស្ស៖
១. រឹងមាំ
ស្របពេលដែល មានមនុស្សមួយចំនួន កំពុងតែសរសេររៀបរាប់ បង្ហោះទុក្ខលំបាក និងទួញសោក ប្រាប់អ្នកដទៃ ក្នុងពេលជាមួយគ្នានោះ ក៏មានមនុស្សជាច្រើនទៀត ក៏កំពុងតែជួបនៅបញ្ហា និងទុក្ខលំបាកដូចគ្នា ខ្លះធ្ងន់ធ្ងរជាងនេះទៅទៀត តែគេនៅតែរឹងមាំជំនះ នៅរាល់ក្តីទុក្ខទាំងនោះ ទទួលយកនឹង ព្យាយាមរកដំណោះស្រាយ មិនមែនយកពេលមកទួញសោក ហើយគិតថាអាច ដោះស្រាយបញ្ហានោះបានទេ។
២. ខ្លាចគេមើលងាយ
អ្នកត្រូវចាំថា មិនមែនអ្នកបង្ហោះ រៀបរាប់ទុក្ខសោក លើបណ្តាញសង្គម ឬក៏និយាយរៀបរាប់ ប្រាប់អ្នកជិតស្និត គិតថាអាចទទួលបាន ការអាណិតពីគេនោះទេ យូរៗម្តងមិនសូវ ជាបញ្ហានោះទេ តែបើញយដងពេក គេនឹងមានអារម្មណ៍ធុញទ្រាំ គេមើលងាយ ជួបបញ្ហាបន្តិចបន្តួចទន់ជ្រាយ ហើយគេក៏រឹតតែយល់ថា អ្នកជាមនុស្សគួរឲ្យរំខាន យូរៗទៅមនុស្សជិតស្និទ្ធ គេនឹងឃ្លាតឆ្ងាយបន្តិចម្តងៗ ព្រោះគ្មានអ្នកណា ដែលចង់នៅជិត អ្នកដែលមានតែ បញ្ហារហូតនោះទេ។ ដូច្នេះហើយ ទើបបានជាមនុស្សមួយចំនួន មិនងាយបញ្ចេញទុក្ខសោក ដែលគេកំពុងជួបប្រទះ ទៅកាន់អ្នកដទៃនោះទេ។
៣. មានទំនួលខុសត្រូវ
ព្រោះតែពួកគេ មានទំនួលខុសត្រូវ លើអ្វីដែលបានកើតឡើង ការរំអួយទួញសោក មិនមែនជា ដំណោះស្រាយត្រឹមត្រូវនោះទេ គ្រប់យ៉ាងសុទ្ធតែ មានហេតុនិងផល ទាំងពីរនេះ ត្រូវតែដើរទន្ទឹមគ្នា។ ដូច្នេះទុក្ខ និងបញ្ហារបស់យើងគួរតែយើងជាអ្នកដោះស្រាយ ព្យាយាមឲ្យអស់លទ្ធភាព មុននឹងសុំជំនួយពីអ្នកដទៃ បើជៀសបានមិនគួរ រំខានអ្នកដទៃនោះទេ។
៤. ក្លាហាន
ត្រូវចាំថាមិនមែន មនុស្សគ្រប់រូប សុទ្ធតែមានភាពក្លាហាន ប្រឈមមុខនឹង សេចក្តីទុក្ខនោះទេ បើដូច្នេះមែនមិនមែនមាន អ្នកមានជំងឺផ្លូវចិត្តនោះទេ។ ពេលដែលជួបបញ្ហាមានតែ ក្លាហានទទួលយកវា បើមិនចឹងទេ អ្នកនឹងក្លាយជាជនរងគ្រោះ នៃសេចក្តីទុក្ខនោះ ជាមិនខានទេ។ សេចក្តីទុក្ខសុទ្ធតែ មានសម្រាប់មនុស្សគ្រប់គ្នា អ្នកមិនអាចគេចវេស បាននោះទេ មានតែក្លាហានប្រឈម ខ្យល់បោកបក់បន្តិច ក្រោយមកមេឃនឹងស្រឡះ វិញជាមិនខាន ប្រៀបដូចជា សេចក្តីទុក្ខ និងសេចក្តីសុខ ក្នុងជីវិតមនុស្សយើងដូចគ្នាដែរ៕