អូសដាច់៦នាក់! Son វ៉ាដាច់ Bruno និង De Bruyne ឈ្នះពានរង្វាន់គ្រាប់បាល់ល្អបំផុតប្រចាំ PL រដូវកាលនេះ (មានវីដេអូ)

អង់គ្លេស៖ កីឡាករ Son Heung-min បានទទួលពានរង្វាន់គ្រាប់បាល់ល្អបំផុតប្រចាំ Premier League រដូវកាល២០១៩-២០២០នេះ។ ហើយគ្រាប់បាល់ដែលធ្វើឲ្យ Son ទទួលបានពានរង្វាន់មួយនេះគឺមួយគ្រាប់ដែលអូសដាច់ខ្សែរបស់ Burnley ៦នាក់ចាប់ពីមុខទីរបស់ Spurs ចម្ងាយប្រហែល៨០មែ៉ត្រ មុនពេលដែលស៊ុតទម្លុះដៃអ្នកចាំទី។ 

មួយគ្រាប់នេះបានវ៉ាដាច់គ្រាប់បាល់ វ៉ូលេរបស់ Bruno Fernandes កាលប៉ះជាមួយ Brighton និង២គ្រាប់របស់ Kevin de Bruyne ពេលប៉ះជាមួយ Newcastle និង Norwich ។

លើសពីនេះ​ Son ក៏ត្រូវបានលោកគ្រូបង្វឹក Jose Mourinho ធ្វើការប្រៀបធៀបរូបគេទៅនឹងកំពូលកីឡាករ Cristiano Ronaldo ដោយសារតែគុណភាពរកគ្រាប់បាល់ដ៏អស្ចារ្យរបស់គេ៕​

ប្រភព៖ mirror