ភ្នំពេញ៖ តារាស្រីអ្នកម៉ាក់កូនមួយរូបស្រស់ អ្នកនាង គង់ ចាន់ស្រីមុំ កាន់តែមានហាងឆេងខ្លាំង ជាមួយអាជីពមុខរបរផ្ទាល់ខ្លួន និងជាពិធីការិនី ក្នុងកម្មវីធី 3FUN កំពុងទទួលការពេញនិយមយ៉ាងកត់សម្គាល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប៉ុន្តែ ទោះជាមានភាពមមាញឹកបែបណាក៏ ស្រីមុំ មិនភ្លេចឆ្លៀតពេលដើរលំហែកាយ និងបង្អួតសម្រស់ដ៏ស្រស់ស្អាតទេ។ ជាក់ស្ដែង កាលពីពេលថ្មីៗនេះ តារាស្រីរូបនេះ កំពុងមានដំណើរកម្សាន្តលើទឹកដីសៀមរាប ក្នុងទឹកដីអង្គរឯណោះ ជាមួយគ្រួសារយ៉ាងមានសុភមង្គល។
ជាមួយគ្នានេះដែរ ចំពោះដំណើរកម្សាន្តលើកនេះអ្នកម៉ាក់សម័យថ្មី បានចែកចាយរូបភាពជាច្រើនសន្លឹក ក្នុងស្ទាយ៍តែងខ្លួន ទាន់សម័យ និងលេចធ្លោដូចសព្វរាល់ដង អ្វីដែលពិសេសនោះ នាង បានលេងម៉ូតសក់សេះ ពណ៌ខ្មៅ ដែលមើលទៅ ពិតជាប្លែកខ្លាំង ជាមួយស្ទាយ៍បែបនេះ។
ទោះជាយ៉ាងណាក៏ដោយ មានហ្វេនជាច្រើន បានចូលបញ្ចេញមតិជាហូរហែរ ដែលបានយល់ថា ថ្វីត្បិតតារាស្រីរូបនេះ មានស្វាមី កូនហើយក្តី ពេលលេងម៉ូតសក់សេះបែបនេះ សម្រស់របស់នាង មិនចាញ់ អ្នកនៅក្រមុំនោះឡើយ ពិតជាប្លែក ដែលមើលទៅស្រស់ស្អាត និងលេចធ្លោ ស្របពេលដែលស្ទាយ៍តែងខ្លួនរបស់នាងតែងតែថ្មីជានិច្ច៕
សូមទស្សនារូបខាងក្រោម៖