ប្រាស៊ីលីយ៉ា៖ ក្រសួងសុខាភិបាលប្រេស៊ីលបានរាយការណ៍នៅថ្ងៃព្រហស្បតិ៍ថា ប្រទេសប្រេស៊ីលបានរកឃើញអ្នកឆ្លងជំងឺកូវីដ១៩ថ្មីចំនួន ៦០,០៩១នាក់ និងអ្នកស្លាប់ចំនួន ១,២៦១នាក់ ដោយគិតត្រឹមរយៈពេល ២៤ម៉ោង។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមទិន្នន័យរបស់ក្រសួងសុខាភិបាលប្រេស៊ីលបានឱ្យដឹងថា ចាប់តាំងពីមានករណីឆ្លងជំងឺកូវីដ១៩ដំបូង រហូតមកដល់ពេលនេះ ប្រទេសប្រេស៊ីលមានអ្នកស្លាប់ចំនួន ១០៥,៤៦៣នាក់ និងអ្នកជាសះស្បើយ ២,៣៥៦,៦៤០នាក់ នៅក្នុងចំណោមអ្នកឆ្លងសរុបទាំង ៣,២២៤,៨៧៦នាក់។
គួរជម្រាបដែរថា បច្ចុប្បន្នករណីឆ្លងជំងឺកាចសាហាវកូវីដ១៩ នៅក្នុងប្រទេសប្រេស៊ីលហាក់នៅមិនទាន់ធូរស្រាលនៅឡើយទេ។ ហើយស្របពេលជាមួយគ្នានេះដែរ រដ្ឋាភិបាលប្រេស៊ីលបានសម្រេចប្រកាសបន្ធូរបន្ថយវិធានការបិទទ្វារប្រទេស ដោយអនុញ្ញាតឱ្យបើកដំណើរការហាង និងភោជនីយដ្ឋានឡើងវិញ ក្នុងគោលបំណងស្តាសេដ្ឋកិច្ចជាតិ ដែលរងផលប៉ះពាល់ដោយសារវិបត្តិនៃជំងឺរាតត្បាតនេះ៕