ប៉េកាំង៖ អនុរដ្ឋមន្ត្រីនៃក្រសួងគ្រប់គ្រងគ្រោះអាសន្ន (MEM) បានប្រាប់សន្និសីទសារព័ត៌មានមួយនៅពីថ្ងៃព្រហស្បតិ៍នេះថា មនុស្សសរុបចំនួន ២១៩នាក់បានស្លាប់ឬកំពុងបាត់ខ្លួន ចំណែកជាង ៦៣,៤ លាននាក់ផ្សេងទៀត ត្រូវទទួលរងផលប៉ះពាល់ដោយសារទឹកជំនន់ក្នុងប្រទេសចិននៅឆ្នាំនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំនួនអ្នកស្លាប់និងរបួស គឺតិចជាង ៥៤.៨ភាគរយ បើប្រៀបធៀបទៅនឹងចំនួនមធ្យមកាលពី ៥ឆ្នាំមុន។ ហើយទឹកជំនន់នៅឆ្នាំនេះ ក៏បានបង្កការខាតបង់ដល់សេដ្ឋកិច្ចជាតិ ដែលគិតជាទឹកប្រាក់សរុប ១៧៨.៩៦ពាន់លានយ័ន (ឬប្រមាណ ២៥.៧៨ពាន់លានដុល្លារអាមេរិក) ចំណែកហេដ្ឋារចនាសម្ព័ន្ធជាច្រើនត្រូវរងការខូចខាត ដោយបូករួមទាំងផ្ទះសម្បែងចំនួន ៥៤,០០០ខ្នងត្រូវបានបាក់រលំ។
គួរឱ្យដឹងដែរថា រដូវទឹកជំនន់ដ៏ធំនៅប្រទេសចិនក្នុងឆ្នាំនេះ គឺបានមកដល់នៅថ្ងៃទី ១ ខែមិថុនា ដោយសារភ្លៀងធ្លាក់ខ្លាំងបានវាយប្រហារមកលើបណ្តាខេត្តជាច្រើន ដែលបណ្តាលឱ្យកម្ពស់បឹង និងទន្លេចំនួន ៦៣៤ នៅទូទាំងប្រទេសចិន បានកើនឡើងខ្លាំងដល់កម្រិតប្រកាសអាសន្ន៕